Healthy Salt: ఉప్పు ఎన్ని రకాలు? ఆరోగ్యానికి ఎలాంటి ఉప్పు మంచిది? తప్పక తెలుసుకోండి..

Types Of Salt: నలభీముడు వంట చేసినా.. చిటికెడు ఉప్పు వేయకపోతే.. ఆ ఆహారానికి రుచే ఉండదు. అందుకే.. ఉప్పులేని ఆహారం తినడం చాలా కష్టంగా పేర్కొంటారు. ఉప్పుడు రుచికే కాదు.. ఆరోగ్యానికీ మేలు చేస్తుంది. అయితే, మనం తీసుకునే ఉప్పు(Salt) ఆరోగ్యకరమైనదేనా? అని మనం ఆలోచించాలి. ఎందుకంటే ఉప్పులో చాలా రకాలు ఉంటాయని చాలా మందికి తెలియదు. రాళ్ల ఉప్పు, సన్న ఉప్పు రెండు రకాలు మాత్రమే చాలా మందికి తెలుసు. ఇవి మాత్రమే కాదు.. ఉప్పులో చాలా రకాలు ఉన్నాయి. ఇవి మన శరీరానికి వివిధ రకాల పోషకాలను అందిస్తాయి. మరి ఆరోగ్యానికి ఏ ఉప్పు ఉత్తమమో ఇప్పుడు తెలుసుకుందాం..

కణాలకు పోషకాలను తీసుకువెళ్లే శరీరంలోని ఎలక్ట్రోలైట్లు, ద్రవాల సమతుల్యతను కాపాడుకోవడానికి మన శరీరానికి ఉప్పు అవసరం. అన్ని లవణాలలో సోడియం ఉంటుంది. అలాగని అన్ని రకాల ఉప్పు ఆరోగ్యానికి మేలు చేయవు. కొన్నిరకాల ఉప్పులో అదనపు ఖనిజాలు ఉంటాయి. కొన్ని రకాల ఉప్పు తక్కువగా శుద్ధి చేయడం జరుగుతుంది. ఇది దాని కోణాన్ని మారుస్తుంది. ఉప్పు ఎన్ని రకాలో చూద్దాం..

హిమాలయన్ పింక్ సాల్ట్..

పింక్ హిమాలయన్ సాల్ట్ గులాబీ రంగులో ఉంటుంది. ఇందులో పొటాషియం, మెగ్నీషియం, కాల్షియం వంటి ఖనిజాలు ఉంటాయి. ఈ ఖనిజాలు శరీరంలో పోషకాల రవాణాకు దోహదం చేస్తాయి.

సముద్రపు ఉప్పు..

సెల్టిక్, ఫ్రెంచ్ ఫ్లూర్ డి సెల్ వంటి సముద్రపు లవణాలు సముద్రపు నీటిని ఆవిరి చేయడం ద్వారా తయారు చేయబడిన ఉప్పు. ఇది సముద్ర వనరుల నుండి ఖనిజాలను నిలుపుకుంటుంది. అయితే, ఇది హిమాలయన్ ఉప్పులో ఉన్నట్లుగా ఎక్కువ ఆరోగ్య ప్రయోజనాలను అందించదు. సముద్రపు ఉప్పులో ఉండే మినరల్ కంటెంట్‌ ఆరోగ్య ప్రభావం పరంగా చాలా తక్కువగా పరిగణించబడుతుంది.

పొటాషియం సాల్ట్..

పొటాషియం లవణాలు మరొక ప్రత్యామ్నాయం. ఇందులో ప్రామాణిక టేబుల్ ఉప్పు కంటే 70% తక్కువ సోడియం ఉంటుంది. ఇది రక్తపోటును పెంచుతుంది. ఆహారంలో సోడియం తగ్గితే.. రక్తపోటును 5 నుండి 6 mm Hg వరకు మెరుగుపరుస్తుంది. అధిక రక్తపోటు ఉన్నవారు తక్కువ సోడియం ఉప్పును తీసుకోవడం మంచిది.

టేబుల్ సాల్ట్..

టేబుల్ సాల్ట్ అనేది చాలా ఇళ్లలో సాధారణంగా ఉపయోగించే ఉప్పు. ఇది సౌర ఆవిరి ద్వారా సముద్రపు నీరు లేదా ఉప్పు సరస్సుల నుండి తయారు చేయడం జరుగుతుంది. ఈ ఉప్పులోని మలినాలను తొలగించడానికి చాలా ప్రాసెసింగ్ జరుగుతుంది. టేబుల్ సాల్ట్ సాధారణ రూపం 'అయోడైజ్డ్ సాల్ట్'. ప్రజలలో అయోడిన్ లోపాన్ని పరిష్కరించడానికి అయోడైజ్డ్ ఉప్పును ప్రవేశపెట్టారు. ఇది అందరి ఇళ్లలో ఆహారం, వంట కోసం ఉపయోగిస్తారు.

US డిపార్ట్‌మెంట్ ఆఫ్ అగ్రికల్చర్ రోజుకు 2,300 mg సోడియం తీసుకోవాలని సిఫార్సు చేస్తోంది. కానీ సగటు పెద్దలు రోజుకు 3,393mg ఎక్కువ ఉప్పును వినియోగిస్తారు. ఏ రకమైన ఉప్పును తీసుకున్నా.. దానిని మితంగా తీసుకోవడం చాలా ముఖ్యం.

Also Read:

ప్రైవేటు ఉద్యోగాల్లో రిజర్వేషన్ చెల్లదు.. హర్యానా హైకోర్టు సంచనల తీర్పు..

రెండోసారి బీజేపీకి గుడ్ బై చెప్పిన రాములమ్మ.. ఈసారి పార్టీని వీడటానికి ఆయనే కారణమా?!