Forceful Death : కటింగ్ నచ్చలేదని ఒకరు.. ఎండలో ఆడొద్దన్నందుకు మరొకరు.. 9 ఏళ్ల చిన్నారుల ఆత్మహత్యలు

Two Children's Last Their Lives : ఉమ్మడి వరంగల్ జిల్లా (Warangal District) లో నిన్న ఒక్క రోజే ఇద్దరు చిన్నారులు ఆత్మహత్యకు (Two Children's Suicide) పాల్పడడం అందరినీ షాక్ కు గురి చేస్తోంది. చిన్న చిన్న కారణాలతో ఆ ఇద్దరు చిన్నారులు ప్రాణాలు తీసుకుని తల్లిదండ్రులకు తీరని విషాదం మిగిల్చారు. ఇష్టం లేని కటింగ్ (Hair Cutting) చేయించారని ఒకరు, ఎండలో ఆడుకోవద్దన్నారని మరొకరు ఆత్మహత్యకు పాల్పడ్డారు. మహబూబాబాద్ జిల్లా చింతగూడెంకు చెందిన 9 ఏళ్ల హర్షవర్ధన్ తండ్రి ఇష్టం లేని కటింగ్ చేయించాడని పురుగుల మందు తాగి ఆత్మహత్య చేసుకున్నాడు. అదే జిల్లా మైసంపల్లికి చెందిన 9 ఏళ్ల సిద్ధు తల్లి ఎండలో తిరగొద్దని తల్లి మందలించిందని ఫ్యాన్‌కు ఉరేసుకుని ప్రాణాలు తీసుకున్నాడు.

దీంతో ఆ రెండు కుటుంబాల్లో పెను విషాదం నెలకొంది. కుటుంబ సభ్యుల రోదనలు మిన్నంటుతున్నాయి. ఇంత చిన్న వయస్సులో ఆత్మహత్య చేసుకోవాలన్న ఆలోచనలు వారికి ఎలా వచ్చాయి? అన్న చర్చ సాగుతోంది. సినిమాలు, సోషల్ మీడియా (Social Media) ప్రభావంతోనే చిన్నారులు ఈ దారుణానికి పాల్పడ్డారన్న అభిప్రాయం వ్యక్తం అవుతోంది. చిన్నపిల్లల ఆలోచనలు ఎలా ఉంటున్నాయి? వారు ఏం చేస్తున్నారు? అన్న విషయాన్ని ఎప్పటికప్పుడు పరిశీలించాలని మానసిక నిపుణులు సూచిస్తున్నారు. తద్వారా ఇలాంటి పిల్లలు ఇలా చేసుకోకుండా కాపాడుకోవచ్చని వారు చెబుతున్నారు.

Also Read : 108 డిగ్రీల జ్వరంతో వ్యక్తి మృతి.. హడలిపోతున్న జనం!