TS Politics: బీఆర్ఎస్ లో చేరిక పై కాసాని జ్ఞానేశ్వర్ కీలక ప్రకటన

తెలంగాణ టీడీపీ రాష్ట్ర అధ్యక్షుడు కాసాని జ్ఞానేశ్వర్ (Kasani Gnaneshwar Mudiraj) బీఆర్ఎస్ పార్టీలో చేరనున్నట్లు కొన్ని రోజులుగా వార్తలు వస్తున్న విషయం తెలిసిందే. తాజాగా ఈ వార్తలపై ఆయన క్లారిటీ ఇచ్చారు. తనకు ఏ పార్టీ నుంచి పిలుపు రాలేదన్నారు. తన దృష్టిలో తెలంగాణలో టీడీపీ (TDP) మాత్రమే బెస్ట్ అని అన్నారు. దీంతో పార్టీ మార్పుపై జరుగుతున్న ప్రచారానికి ఆయన చెక్ పెట్టారు. ఈ రోజు చంద్రబాబుతో ఆయన ములాఖత్ అయ్యారు.

ఇది కూడా చదవండి: KTR Live: మా పాలన సంక్షేమానికి స్వర్ణయుగం.. మళ్లీ గెలిచేది మేమే: కేటీఆర్

ఈ సందర్భంగా మీడియాతో మాట్లాడారు. రానున్న ఎన్నికల్లో తెలంగాణలో అన్ని స్థానాల్లో పోటీ చేస్తామని స్పష్టం చేశారు జ్ఞానేశ్వర్. టీడీపీ, జనసేన, బీజేపీ పొత్తుల విషయంలో ఇంకా క్లారిటీ రాలేదన్నారు. రేపు ఉదయం లోకేష్ తో మరోసారి మాట్లాడిన తర్వాత ఈ విషయంపై తుది నిర్ణయం తీసుకుంటామన్నారు. తెలంగాణలో టీడీపీ అన్ని స్థానాల్లోనూ బలంగానే ఉందన్నారు.