TS Dasara Holidays: తెలంగాణ కాలేజీ విద్యార్థులకు దసరా సెలవుల ప్రకటన

తెలంగాణ ప్రజల సంస్కృతి, సంప్రదాయాలకు ప్రతీక అయిన బతుకమ్మ, దసరా పండుగలు (Dasara) మరికొన్ని రోజుల్లో ప్రారంభం కానున్నాయి. ఈ నేపథ్యంలో ఇప్పటికే పాఠశాలల విద్యార్థులకు దసరా సెలవులను (Dasara Holidays) ప్రభుత్వం ప్రకటించింది. తాజాగా ఇంటర్ విద్యార్థులకు సెలవులపై కీలక ప్రకటన వచ్చేసింది. తెలంగాణలోని ఇంటర్ కాలేజీలకు (Inter Colleges) ఈ నెల 19 నుంచి దసరా సెలవులు (Dasara Holidays) ప్రారంభం కానున్నట్లు ప్రకటనలో తెలిపింది. అనంతరం ఈ నెల 25వ తేదీ వరకు ఈ సెలవులు కొనసాగనున్నాయి. సెలవుల తర్వాత అక్టోబరు 26 నుంచి కాలేజీలు తిరిగి ప్రారంభం అవుతాయని ఇంటర్ బోర్డ్ ప్రకటనలో పేర్కొంది.
ఇది కూడా చదవండి: Weather : వచ్చే పదిరోజుల్లో తెలంగాణలో మండనున్న సూర్యుడు!

దీంతో విద్యార్థులకు మొత్తం 8 రోజులు సెలవులు రానున్నాయి. తెలంగాణ రాష్ట్రంలోని అన్ని ప్రైవేట్ జూనియర్ కాలేజీలు, ప్రభుత్వ జూనియర్ కాలేజీలకు ఈ సెలవులు వర్తిస్తాయని ప్రకటనలో స్పష్టం చేసింది ఇంటర్ బోర్డ్. ఇదిలా ఉంటే.. తెలంగాణలోని స్కూల్స్‌ కు ఈ నెల 13 నుంచి అక్టోబర్ 25వ తేదీ వరకు మొత్తం 13 రోజుల పాటు దసరా సెలవులను ప్రకటించింది పాఠశాల విద్యాశాఖ. రాష్ట్రంలోని అన్ని స్కూళ్లు ఈ సెలవులను పాటించాలని తెలిపింది.

ఇదిలా ఉంటే.. బతుకమ్మ, దసరా పండుగలకు సొంతూళ్లకు వెళ్లే వారి కోసం 5,265 ప్రత్యేక బస్సులను ఏర్పాటు చేసినట్లు ప్రకటించింది. ఈ నెల 13 నుంచి 25వ తేదీ వరకు ఈ ప్రత్యేక బస్సులు ప్రయాణికులకు అందుబాటులో ఉంటాయని తెలిపింది. ఈ స్పెషల్ బస్సుల్లో సాధారణ ఛార్జీలే ఉంటాయని ఆర్టీసీ ప్రకటనలో పేర్కొంది.