సీఎం రేవంత్ రెడ్డి టీంతో ట్రైజిన్ ప్రతినిధులు చర్చలు..
ట్రైజిన్ టెక్నాలజీస్ కంపెనీ డేటా అనలిటిక్స్, అర్టిఫిషియల్ ఇంటెలిజెన్స్ స్టార్టప్‌లకు అవసరమయ్యే ఇంటెలిజెన్స్ సొల్యూషన్స్ అందిస్తుంది. రాష్ట్రానికి పెట్టుబడుల కోసం తెలంగాణ సీఎం రేవంత్ రెడ్డి టీమ్ అమెరికాలో పర్యటిస్తోంది. ఈ క్రమంలో ట్రైజిన్ కంపెనీ హైదరాబాద్ లో తమ ఆర్టిఫిషియల్ ఇంటెలెజెన్స్ ఇన్నోవేషన్ అండ్ డెలివరీ సెంటర్ ఏర్పాటు చేయాలని నిర్ణయించుకుంది. ఈ మేరకు తెలంగాణ ప్రతినిధులతో భేటీలో తమ నిర్ణయం ప్రకటించింది. వచ్చే మూడేండ్ల కాలంలో దాదాపు 1,000 మందికి పైగా ఉద్యోగులను రిక్రూట్ చేసుకుని ట్రైనింగ్ అందిస్తుంది. ఈ కంపెనీ మొత్తం ఆదాయం 160 మిలియన్ డాలర్లకు పైగా ఉందని సమచారం. ప్రపంచ వ్యాప్తంగా ట్రైజిన్ కంపెనీలో పని చేస్తున్న 2,500 మందిలో వెయ్యి మంది భారత్ లో ఉండగా, ప్రస్తుతం హైదరాబాద్‌ లో దాదాపు వంద మంది ఉన్నారు. మరో 6 నెలల్లోనే ట్రైజిన్ కంపెనీ హైదరాబాద్ లో తమ కార్యకలాపాలను ప్రారంభించనున్నట్లు సంస్థ ప్రతినిధులు ప్రకటించారు.

రెండు దశాబ్దాలకు పైగా ఐక్య రాజ్య సమితితో పాటు అనుబంధ విభాగాలకు ట్రైజిన్ టెక్నాలజీస్ కంపెనీ సాంకేతిక భాగస్వామిగా వ్యవహరిస్తోంది. 2023 నుంచి ట్రైజిన్ కంపెనీ తమ సేవలను అందుకుంటున్న సంస్థల్లో అర్టిఫిషియల్ ఇంటెలెజెన్స్వినియోగంతో పాటు ఫలితాలపై విశ్లేషణలు చేస్తుంది. అన్ని రంగాలలో అర్టిఫిషియల్ ఇంటెలిజెన్స్ ను అభివృద్ధి చేయాలని ఈ కంపెనీ పనిచేస్తుందిన ప్రతినిధులు తెలిపారు.

Also Read: Paris Olympics: సెమీస్‌లో ఓడిన భారత్..ఇక కాంస్యం కోసం పోరు