/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/04/FotoJet-2024-04-18T132031.052-jpg.webp)
Teja Sajja's New Movie Mirai: ఇటీవలే హనుమాన్ సినిమాతో బ్లాక్ బస్టర్ హిట్ కొట్టిన యంగ్ హీరో తేజ సజ్జ ప్రస్తుతం వరుస ఆఫర్స్ తో దూసుకెళ్తున్నారు. తాజాగా ఈ యంగ్ హీరో చేయబోయే నెక్స్ట్ ప్రాజెక్టు కు సంబంధించి అదిరిపోయే అప్డేట్ వచ్చింది.
'మిరాయ్'
ఈగల్, సూర్య vs సూర్య ఫేమ్ కార్తీక ఘట్టమనేని దర్శకత్వంలో తేజ సజ్జ ఓ పాన్ ఇండియా మూవీ చేస్తోన్న సంగతి తెలిసిందే. అయితే తాజాగా ఈ మూవీ టైటిల్ గ్లింప్స్, ఫస్ట్ లుక్ పోస్టర్ రిలీజ్ చేశారు మేకర్స్. 'మిరాయ్' అనే టైటిల్ తో సినిమా గ్లింప్స్ తో పాటు ఫస్ట్ లుక్ పోస్టర్ విడుదల చేశారు. ఈ చిత్రంలో తేజ సజ్జ ఓ సూపర్ యోధగా కనిపించబోతున్నారు.
గ్లింప్స్
థ్రిల్లింగ్ అడ్వెంచర్స్ నేపథ్యంలో తెరకెక్కనున్న ఈ మూవీ గ్లింప్స్ ప్రేక్షకులను విశేషంగా ఆకట్టుకుంటోంది. మౌర్య సామ్రాజ్యపు రాజు అశోకుడు కలియుగం అనంతరం పశ్చాతాపంతో యోగిగా మారతాడు. అయితే అశోకుడిని యోగిగా మార్చిన ఓ అపార గ్రంధం ఆపదలో ఉంటుంది. తొమ్మిది గ్రంథాలతో చేసిన ఆ మహా గ్రంథాన్ని కొంత మంది దుండగులు దక్కించుకోవాలని ప్రయత్నిస్తారు. ఇక ఆ గ్రంథాన్ని కాపాడడానికి వచ్చే యోధుడే హీరో. ఆ మహా గ్రంథాన్ని హీరో ఎలా కాపాడతాడు .? ఆ క్రమంలో ఎదుర్కునే సవాళ్ళే ఈ సినిమా కథగా ఉండబోతున్నట్లు గ్లింప్ల్స్‌ లో అర్థమవుతోంది. భారీ అంచనాలతో రూపొందుతున్న ఈ చిత్రాన్ని పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్‌ నిర్మిస్తున్నారు.