/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/12/love-jpg.webp)
లవ్‌(Love) ఉంటే లైఫ్‌ ఈజ్‌ బ్యూటిఫుల్‌. లవ్‌ లేకున్నా బ్యూటిఫులే కానీ ఉంటే కాస్త బెటర్‌ బ్యూటిఫుల్‌. ఇది లవ్‌ ఎక్స్‌పర్ట్స్‌ చెబుతున్న మాట. చాలా మంది లవర్‌ ఉంటే అనవసర తలనొప్పి అనుకుంటారు కానీ అది నిజం కాదు. అలా ఎవరికైనా అనిపిస్తే రిలేషన్‌షిప్‌ సక్సెస్‌కు సంబంధించిన కొన్ని బెసిక్స్‌ ఫాలో అవ్వడం లేదని అర్థం. ఏ రిలేషన్‌షిప్‌లోనైనా అలకలు, కోపాలు సర్వసాధారణమే. చిన్నచిన్న గొడవల తర్వాత మనం ఎలా ప్రవర్తిస్తున్నామన్నది ముఖ్యం. ఈగోలకు పోతే బంధం(Relation) మధ్యలోనే ఫసక్‌ అవుతుంది. అదే అర్థం చేసుకోని నడుచుకుంటే గొడవల తర్వాత బంధం మరింత బలపడుతుంది. లవర్‌తోనైనా, లైఫ్‌ పార్ట్‌నెర్‌తోనైనా బంధాన్ని బలపేతం చేసుకోవడానికి కొన్ని టిప్స్‌ మీకోసం.
/rtv/media/post_attachments/wp-content/uploads/2023/12/zou-meng-_Gh6omhsfE0-unsplash-scaled.webp "publive-image")
ప్రతీకాత్మక చిత్రం (PC: Unsplash)కమ్యూనికేషన్ ముఖ్యం:
ఏ రిలేషన్‌షిప్‌లోనైనా కమ్యూనికేషన్ ఇంపార్టెంట్‌. మీ ఆలోచనలు, భావాలను క్రమం తప్పకుండా వ్యక్తపరచండి. మీ భాగస్వామి చెప్పెది శ్రద్దగా వినండి. స్పష్టమైన కమ్యూనికేషన్ ఇద్దరి మధ్య అవగాహనను పెంచుతుంది. ఇక రిలేషన్‌షిప్‌లో హ్యాపీగా ఉండడానికి లవర్‌తో నాణ్యత సమయం కేటాయించడం ముఖ్యం. ఒకరికొకరు సమయాన్ని కేటాయించుకోండి. ఇది డేట్ నైట్ అయినా, వారాంతపు సెలవు అయినా లేదా ఇంట్లో ప్రశాంతమైన సాయంత్రం అయినా, నాణ్యత సమయం ఇద్దరి మధ్య కనెక్షన్‌ని పెంచుతుంది. అటు హాబీలపై ఓ లుక్కేయండి. మీరిద్దరూ ఆనందించే విషయాలను కనుగొనండి. వాటిలో కలిసి పాల్గొనండి. ఇది భాగస్వామితో కొత్త అనుభవాలను సృష్టిస్తుంది. మీ బంధాన్ని మరింత బలపరుస్తుంది.
/rtv/media/post_attachments/wp-content/uploads/2023/12/zack-marshall-QFc2kxpXVYQ-unsplash-scaled.webp "publive-image")
ప్రతీకాత్మక చిత్రం (PC: Unsplash)ఇవి కూడా ట్రై చేయండి:
చిన్న చిన్న సర్‌ప్రైజ్‌లను ప్లాన్ చేయండి. మీ లవర్‌ ఇంప్రెస్ అవుతుంది. మీ భాగస్వామి సాధించే చిన్న చిన్న విజయాలను సైతం మెచ్చుకోండి. అయితే బిస్కెట్లు వేయవద్దు. పులిహారా కలపవద్దు. మెచ్చుకుంటే మెచ్చుకున్నట్లే ఉండాలి. అతి పనికిరాదు. ఇక కృతజ్ఞతా భావాన్ని కలిగి ఉండడం కూడా బెస్ట్. ఆమె మీ సొంతం అన్నట్లు భావించకూడదు. మీ కోసం ఏదైనా మంచి చేస్తే కృతజ్ఞతలు చెప్పండి. ఇది సానుకూల, ప్రశంసనీయ వాతావరణాన్ని పెంపొందిస్తుంది. ఇక ఎమోషనల్‌ సపోర్ట్ కూడా ఇవ్వాలి. బాధల్లో ఉన్నా ఆనందంగా ఉన్నా ఎమోషన్‌ని షేర్ చేసుకోవాలి. ఇలా చేయడం వల్ల ఇద్దరి మధ్య కనెక్షన్‌ పెరుగుతుంది. ఇక కలిసి నవ్వండి. ఇది మానసిక స్థితిని తేలిక చేస్తుంది. సానుకూల జ్ఞాపకాలను సృష్టిస్తుంది. మీ భావోద్వేగ సంబంధాన్ని బలపరుస్తుంది. వీటితో పాటు జట్టుగా సవాళ్లను ఎదుర్కొండి. ఉమ్మడి లక్ష్యాలపై కలిసి పనిచేయడం భాగస్వామితో ఐక్యతా భావాన్ని పెంపొందించేలా చేస్తాయి.
Also Read: 13 ఏళ్ల బాలికను వివస్త్రను చేసి చిత్రహింసలు పెట్టి.. కుక్కతో కరిపించారు..!
WATCH: