Thyroid: థైరాయిడ్.. ఇబ్బంది పెడుతోందా?  ఆయుర్వేదం చెప్పే ఈ చిట్కాలు చూడండి.. 

Thyroid: మహిళల్లో వేగంగా పెరుగుతున్న వ్యాధుల్లో థైరాయిడ్ కూడా తీవ్రమైన సమస్య. ప్రపంచ ఆరోగ్య సంస్థ లెక్కల ప్రకారం, గత 10 సంవత్సరాలుగా ప్రపంచవ్యాప్తంగా ఈ వ్యాధి కేసులు వేగంగా పెరుగుతున్నాయి. ఈ వ్యాధి 30 సంవత్సరాల కంటే తక్కువ వయస్సు ఉన్న మహిళల్లో కూడా కనిపిస్తుంది. తప్పుడు ఆహారపు అలవాట్లు,  జీవనశైలిలో వస్తున్న విపరీతమైన మార్పుల వల్ల ఇలా జరుగుతోందని వైద్యులు చెబుతున్నారు. శరీరంలో ఉండే థైరాయిడ్ గ్రంధి పనితీరు తగ్గడం వల్ల థైరాయిడ్ వ్యాధి వస్తుంది. థైరాయిడ్‌తో బాధపడే స్త్రీలు ఏ విషయాలు గుర్తుంచుకోవాలి? ఆయుర్వేదంలో ఈ వ్యాధికి చికిత్స ఉందా? మనం తెలుసుకుందాం.

ఆయుర్వేద చికిత్సలతో థైరాయిడ్(Thyroid)వ్యాధిని నియంత్రించవచ్చని ఆయుర్వేద వైద్య నిపుణులు చెబుతున్నారు. దీని కోసం కొన్ని ఆయుర్వేద నివారణలు పాటించాల్సిన అవసరం ఉంది. ఆయుర్వేదం ప్రకారం కొన్ని ఆహార పదార్ధాలు తీసుకోవడం ద్వారా థైరాయిడ్ సమస్యకు చెక్ చెప్పవచ్చు. అవేమిటో చూద్దాం.. 

కలబంద

స్త్రీలు కలబందను తినాలి.తాజా కలబందను తినడం వల్ల థైరాయిడ్ సమస్యలు అదుపులో ఉంటాయి. ఇది వాత- కఫా రెండింటినీ సమతుల్యం చేస్తుంది. ఇది శరీరంలో థైరాయిడ్ వ్యాధిని నియంత్రించడంలో సహాయపడుతుంది.

కొత్తిమీర

థైరాయిడ్ వ్యాధిని నియంత్రించడంలో కొత్తిమీర కూడా చాలా మేలు చేస్తుంది. కొత్తిమీరతో పాటు జీలకర్ర కూడా తీసుకోవాలి. దీని కోసం, కొత్తిమీర -  జీలకర్రను రాత్రంతా నీటిలో నానబెట్టండి. ఈ నీటిని ఉదయాన్నే వడపోసి ఖాళీ కడుపుతో త్రాగాలి. ఇది థైరాయిడ్ వ్యాధిని నియంత్రించడంలో చాలా సహాయపడుతుంది.

ప్రతి ఉదయం నడవండి

ప్రతిరోజూ ఉదయం నడవడం వల్ల శరీరంలో ఆక్సిజన్‌ ​​ప్రసరణ పెరుగుతుంది. ఇది థైరాయిడ్‌ను నియంత్రించడంలో చాలా సహాయపడుతుంది. మీరు ప్రతిరోజూ ఉదయం 15 నుంచి  20 నిమిషాలు నడవాలి. ఇది ఆరోగ్యానికి ఎంతో మేలు చేస్తుంది.

Also Read: హెర్బల్‌ ‘టీ’తో ఎన్నో ప్రయోజనాలు.. అనేక ఆరోగ్య సమస్యలు పరార్..!

కపాలభాతి

కపాలభాతి చేయడం వల్ల శరీరానికి మేలు జరుగుతుంది. మీరు ఈ ప్రాణాయామం ఉదయం లేదా సాయంత్రం ఎప్పుడైనా చేయవచ్చు. కపాల్‌భతి థైరాయిడ్ హార్మోన్ పనితీరును మెరుగుపరుస్తుంది. కపాలభాతి ప్రతిరోజూ 10  నుంచి 15 నిమిషాలు మాత్రమే చేయాలి.

థైరాయిడ్ వ్యాధి ఎందుకు వస్తుంది?

మీ శరీరంలో ఉండే థైరాయిడ్(Thyroid) గ్రంధి పనితీరు తగ్గినప్పుడు, థైరాయిడ్ వ్యాధి వస్తుంది. ప్రస్తుతం ఈ వ్యాధి మహిళల్లో చాలా వేగంగా వ్యాపిస్తోంది. థైరాయిడ్ గ్రంధి పనితీరు తగ్గడమే కాకుండా, ఆహారంలో అయోడిన్ లేకపోవడం వల్ల కూడా ఈ వ్యాధి వస్తుంది. అటువంటి పరిస్థితిలో, అయోడిన్ లోపం ఉండకుండా చూసుకోవాలి. 

గమనిక: ఈ ఆర్టికల్ వివిధ సందర్భాల్లో నిపుణులు చెప్పిన విషయాల ఆధారంగా ఇవ్వడం జరిగింది. ఇది పాఠకుల ప్రాథమిక అవగాహన కోసం మాత్రమే. ఏదైనా ఆరోగ్య సమస్య ఏర్పడినపుడు వైద్యుల సలహాల ప్రకారం ట్రీట్మెంట్ తీసుకోవాల్సి ఉంటుంది. మీ ఆహరం లేదా వాడుతున్న మందులను మార్చాలని అనుకుంటే, మీ కుటుంబ వైద్యుల సలహాలు తప్పనిసరిగా తీసుకోవాల్సిందిగా సూచిస్తున్నాం. 

Watch this Interesting Video: