/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/03/mango-1-jpg.webp)
Uttar Pradesh : యూపీలోని పిపారియా గురుగోవింద్‌ రాయ్‌ గ్రామంలో దారుణ ఘటన జరిగింది. మామిడి కాయల (Mangos) కోసం వెళ్లిన ముగ్గురు చిన్నారులపై తోటమాలి దారుణ చర్యకు పాల్పడ్డాడు. తాడుతో ముగ్గురు పిల్లలను చెట్టుకు కట్టేసి విపరీతంగా కొట్టాడు. అయితే అక్కడే ఉన్న కొందరు ఈ దారుణ ఘటనను వీడియో తీసి సోషల్‌ మీడియా (Social Media) లో పెట్టడంతో వైరల్ గా మారింది.
పోలీసులు తెలిపిన వివరాల ప్రకారం.. గ్రామానికి చెందిన ముగ్గురు చిన్నారులు ఉదయం వాకింగ్‌ కి వెళ్లిన సమయంలో ఓ మామిడి తోటలోని మామిడి కాయలను కోయడంతో అక్కడే ఉన్న తోటమాలి ఆగ్రహం వ్యక్తం చేసి.. వారిని తాడుతో కట్టేసి..నోట్లో మామిడి కాయలు పెట్టి మరీ విపరీతంగా కొట్టాడు. ఈ ఘటన ఉదయం 10 గంటల సమయంలో జరిగింది.
సోషల్‌ మీడియాలో ఈ వీడియో వైరల్ కావడంతో ఈ విషయం పోలీసుల దృష్టికి రావడంతో తోటమాలి (Gardener) పై కేసు నమోదు చేసి తదుపరి చర్యలు చేపట్టారు. పిల్లలను చెట్టుకు కట్టేసి కొడుతున్నాడన్న సమాచారం గ్రామస్తులకు తెలిసి అక్కడ గుమిగూడారు. అక్కడే ఉన్న ఒకరు ఈ ఘటనను వీడియో తీశారు.
విషయం తెలుసుకున్న పిల్లల తల్లిదండ్రులు సంఘటనా స్థలానికి చేరుకుని పిల్లలను తీసుకుని ఇంటికి వెళ్లారు. తోటమాలి సహా ముగ్గురు వ్యక్తులు పిల్లలను కట్టేసి కొట్టారని ఓ చిన్నారి తల్లి పోలీసులకు ఫిర్యాదు చేశారు. ఈ క్రమంలో.. చౌక్ పోలీస్ స్టేషన్‌లో తోటమాలిపై పోలీసులు కేసు నమోదు చేశారు. పిల్లలను బంధించి చిత్రహింసలు పెట్టినందుకు మామిడి తోట యజమాని సుదర్శన్‌పై కూడా కేసు నమోదు చేసినట్లు పోలీస్ స్టేషన్ హెడ్ ప్రశాంత్ కుమార్ పాఠక్ తెలిపారు.