యుద్ధంలో ఇప్పటివరకు 38వేల మందికి పైగా గాజన్లు మరణించారు. ఇది గాజన్ల మొత్తం జనాభాలో 1.7 శాతం. అదేవిధంగా 3.7% జనాభా అంటే 86వేల మంది ప్రజలు యుద్ధంలో తీవ్రంగా గాయపడ్డారు. యుద్ధం కారణంగా 23 లక్షల మంది నిర్వాసితులయ్యారు. ఆకలి, అంటు వ్యాధులు వారిని వెంటాడుతూనే ఉన్నాయి. గాజా స్ట్రిప్ దాదాపుగా నేలమట్టమైంది. యుద్ధం ప్రారంభమైన 269 రోజుల తర్వాత, ఇజ్రాయెల్ ఈ యుద్ధం యొక్క ఉద్దేశ్యాన్ని నెరవేర్చిందా? అనే ప్రశ్న తలెత్తింది. దీనికి ఇజ్రాయెల్ అధికార ప్రతినిధి రియర్ అడ్మిరల్ డేనియల్ హగారి సమాధానమిచ్చారు.

“హమాస్ ఒక సిద్ధాంతం, హమాస్ ఒక పార్టీ, అది ప్రజల హృదయాల్లో పాతుకుపోయింది. “హమాస్‌ను నిర్మూలించవచ్చని అనుకోవడం పొరపాటు.” యుద్ధం ప్రారంభమైన 8 నెలల తర్వాత ఇజ్రాయెల్ ఈ విషయాన్ని అంగీకరించింది. ఇజ్రాయెల్ హమాస్ సొరంగాలను, దాని అగ్ర యోధులను నాయకుడిని ధ్వంసం చేయాలని వారి వద్ద ఉన్న 240 మందికి పైగా బందీలను విడిపించాలని ప్రణాళిక వేసింది. అయితే 8 నెలల తర్వాత కూడా ఇజ్రాయెల్ ఈ లక్ష్యాన్ని చేరుకోలేకపోయింది.

మరోవైపు గాజా తాగునీటి అవసరాలలో 90% తీరడం లేదు. అందువల్ల, ఆరోగ్య పరిస్థితి చాలా దారుణంగా ఉందని ఐక్యరాజ్యసమితి పేర్కొంది. గాజాలో, నివాస ప్రాంతం నుండి వచ్చే మురుగునీటిని పరీక్షించగా..పోలియో వైరస్ ఉన్నట్లు గుర్తించింది. దీంతో దాదాపు 14వేల మందిని అక్కడి నుంచి తక్షణమే తరలించాలని ఐరాస తెలిపింది. కానీ దీని కోసం ఎలాంటి ప్రయత్నాలు చేయలేదు. అలాగే, గత 4 రోజుల్లోనే గాజాలోని ఖాన్ యూనిస్ నుండి 1.8 లక్షల మందికి పైగా నిరాశ్రయులయ్యారు.