AP: డబ్బు ఇవ్వని వ్యాపారి.. రైతులు అతడిని కొట్టి ఏం చేశారంటే?

Ongole: ఓ మిర్చి వ్యాపారి రైతుల నుండి మిర్చి కొనుగోలు చేశాడు. అయితే, రైతులకు మాత్రం ఇవాల్సిన డబ్బు ఇవ్వలేదు. దీంతో విసుగెత్తిన రైతులు ఆ వ్యాపారిని కొట్టి కిడ్నాప్ చేశారు. ఈ ఘటన ప్రకాశం జిల్లా మార్కాపురం మండలంలో చోటుచేసుకుంది. బిరదుల నర్వకు చెందిన మిర్చి వ్యాపారి రావి వెంకటరెడ్డిని గొట్టిపడియ గ్రామ మిర్చి రైతులు కిడ్నాప్ చేశారు.

Also Read: ఎమ్మెల్యే చింతమనేని అనుచరులు హల్‌చల్ .. తెలంగాణ వ్యక్తులపై దాడి..!

వ్యాపారి రావి వెంకటరెడ్డి గతంలో మిర్చి కొనుగోలు చేసిన డబ్బులు ఇవ్వాల్సి ఉండగా ఎన్ని సార్లు అడిగిన ఇవ్వకపోవడంతో రైతులు విసుగెత్తిపోయారు. బిరదుల నర్వ గ్రామానికి వచ్చి వ్యాపారి వెంకటరెడ్డిని కొట్టి అతడిని ఎత్తుకెళ్లినట్లు తెలుస్తోంది.  ఘటనపై వ్యాపారి కుటుంబ సభ్యులు పోలీసులకు ఫిర్యాదు చేశారు. కేసు నమోదు చేసిన పోలీసులు కిడ్నాప్ చేసిన వారి కోసం మూడు బృందాలుగా ఏర్పడి గాలిస్తున్నారు.