బీహార్ లో కుప్పకూలిన వంతెన..ఆవిరైన రూ.12 కోట్లు! షాకింగ్ వీడియో!

బీహార్‌లోని అరారియా జిల్లాలో బాగ్రా నదిపై నిర్మించిన వంతెన ఒక్కసారిగా కుప్పకూలింది. కుర్సాకాంతా, సిక్తి మధ్య బాక్రా నదిపై నిర్మిస్తున్న వంతెన మంగళవారం కూలిపోయింది.మరికొద్ది రోజుల్లో ఈ వంతెన ప్రారంభం కానుంది. అలాంటి వేళ వంతెన కూలిపోవడంతో కాంట్రాక్టర్ నిర్లక్ష్యంతోపాటు ప్రభుత్వ విభాగానికి చెందిన అధికారుల కారణంగానే ఈ వంతెన కూలి పోయిందని స్థానికులు ఆరోపిస్తున్నారు.

రూ.12 కోట్ల అంచనా వ్యయంతో నిర్మిస్తున్న ఈ వంతెన నాసిరకమైన పనులవల్లే ఇది జరిగిందని అక్కడి ప్రజలు ఆరోపిస్తున్నారు. 2021 తర్వాత, ప్రారంభోత్సవ వేడుకలకు ముందు బీహార్‌లోని వివిధ ప్రాంతాల్లో వంతెనలు కూలిపోయి నదిలో పడిపోయిన సంఘటనలు కూడా చోటు చేసుకున్నాయి.