PM Modi Dhyan: ముగిసిన ప్రచార పర్వం.. ధ్యానంలో ప్రధాని మోదీ!

PM Modi Dhyan: దేశవ్యాప్తంగా తన రెండు నెలల సుదీర్ఘ ఎన్నికల ప్రచారం ముగిసిన తర్వాత ప్రధాని నరేంద్ర మోదీ గురువారం సాయంత్రం కన్యాకుమారిలో ప్రసిద్ధ వివేకానంద రాక్ మెమోరియల్ వద్ద 45 గంటల సుదీర్ఘ ధ్యానం ప్రారంభించారు. తిరువనంతపురం నుంచి హెలికాప్టర్‌లో వచ్చిన తర్వాత, ప్రధాని మోదీ భగవతి అమ్మన్ ఆలయంలో పూజలు చేసి, బోట్ సర్వీస్ ద్వారా రాక్ మెమోరియల్‌కు చేరుకుని ధ్యానం ప్రారంభించారు. ఈ ధ్యానం జూన్ 1 వరకు కొనసాగుతుంది.

PM Modi Dhyan: ధోతీ- తెల్లటి శాలువా ధరించి, ప్రధాని మోదీ ఆలయంలో ప్రార్థనలు చేసి, 'గర్భగుడి'కి ప్రదక్షిణలు చేశారు. పూజారులు ప్రత్యేక 'ఆరతి' నిర్వహించి, ఆలయ 'ప్రసాదం' అందజేశారు, ఇందులో శాలువా - ఆలయ ప్రధాన దేవత ఫ్రేమ్‌తో కూడిన ఫోటో ఉన్నాయి. రాష్ట్ర ప్రభుత్వ ఆధ్వర్యంలోని షిప్పింగ్ కార్పొరేషన్ నిర్వహిస్తున్న ఫెర్రీ సర్వీస్ ద్వారా రాక్ మెమోరియల్‌కు చేరుకున్న ప్రధాని మోదీ 'ధ్యాన మండపం'లో ధ్యానం ప్రారంభించారు.

#WATCH | Tamil Nadu: Morning visuals from Vivekananda Rock Memorial in Kanyakumari. Prime Minister Narendra Modi arrived here yesterday.

PM Modi will meditate day and night at the same place till 1st June, where Swami Vivekanand did meditation, at the Dhyan Mandapam. pic.twitter.com/IqUgYENPhl

— ANI (@ANI) May 31, 2024

వివేకానంద రాక్ మెమోరియల్ వద్ద ధ్యానం ప్రారంభించే ముందు, ప్రధాని మోదీ పెవిలియన్‌కు వెళ్లే మెట్లపై నిలబడి కనిపించారు. పెవిలియన్‌లో ఎత్తైన పీఠంపై ఏర్పాటు చేసిన రామకృష్ణ పరమహంస, మాతా శ్రీ శారదా దేవి, స్వామి వివేకానంద విగ్రహాలకు ప్రధాని పూలమాలలు వేసి నివాళులర్పించారు. అనంతరం పెవిలియన్‌లో మోదీ సాధన (ఆధ్యాత్మిక సాధన) ప్రారంభించారు.

PM Modi Dhyan: శివగంగైలో తమిళనాడు బీజేపీ అధ్యక్షుడు కె.అన్నామలై విలేకరులతో మాట్లాడుతూ.. ప్రధాని మోదీ స్మారక స్థూపాన్ని సందర్శించడం పూర్తిగా ‘వ్యక్తిగత’ పర్యటనగా అభివర్ణించారు. ఇది ప్రధాని వ్యక్తిగత పర్యటన అని, అందుకే తమ పార్టీ నాయకులు, కార్యకర్తలు కార్యక్రమానికి హాజరుకాలేదన్నారు.

Also Read: అసభ్యకర వీడియో కేసు: ప్రజ్వల్ రేవణ్ణను అరెస్ట్ చేసిన సిట్ 

జూన్ 1న ఆయన బయలుదేరే ముందు, ప్రధాని మోదీ స్మారక చిహ్నం పక్కన ఉన్న తిరువల్లువర్ విగ్రహాన్ని కూడా సందర్సించే అవకాశం ఉంది.  స్మారక చిహ్నం, 133 అడుగుల ఎత్తైన విగ్రహం రెండూ చిన్న ద్వీపాలలో నిర్మించారు. ఇవి సముద్రంలో ఒంటరిగా నిర్మించిన  మట్టిదిబ్బల వంటి రాతి నిర్మాణాలు.

PM Modi Dhyan: మదురైలో మోదీకి వ్యతిరేకంగా తంథై పెరియార్ ద్రవిడర్ కజగంతో సహా సంస్థలు నల్లజెండాలతో ప్రదర్శన చేశాయి. జూన్ 1న లోక్‌సభ ఎన్నికలకు చివరి (ఏడవ) ఓటింగ్ జరగనున్న నేపథ్యంలో ఆయన ధ్యానం ప్రసారం చేయడంపై రాజకీయంగా వ్యతిరేకత వ్యక్తమవుతోంది. స్వామి వివేకానంద పేరిట ఉన్న స్మారకం వద్ద మోదీ 45 గంటలపాటు బస చేసేందుకు భారీ భద్రతతో పాటు అన్ని ఏర్పాట్లు చేశారు. ప్రధాని మోదీ తొలిసారిగా వివేకానంద రాక్ మెమోరియల్ వద్ద బస చేయనున్నారు. స్వామి వివేకానంద 1892 చివరిలో ఇక్కడ ధ్యానం చేశారు. 2019 లోక్‌సభ ఎన్నికల ప్రచారం ముగిసిన తర్వాత, ప్రధాని కేదార్‌నాథ్ గుహలో ధ్యానం చేశారు.

PM Modi Dhyan: లోక్‌సభ ఎన్నికల ప్రచారం ముగిసింది. సుదీర్ఘ ప్రచార పర్వంలో ఆయన ఆధ్వర్యంలో బీజేపీ పూర్తి స్థాయిలో ప్రచారం నిర్వహించింది. ప్రధాని అనేక  రోడ్ షోలు - ర్యాలీలు వంటి అనేక రాజకీయ కార్యక్రమాలను ఉద్దేశించి ప్రసంగించారు. ఇప్పుడు ఆ గందరగోళం నుంచి బయటపడి ప్రశాంత వాతావరణంలో ప్రధాని మోదీ ధ్యానం చేస్తారు. ప్రధాని మోదీ రక్షణను దృష్టిని దృష్టిలో ఉంచుకుని కన్యాకుమారి జిల్లా అంతటా భద్రతను కట్టుదిట్టం చేశారు మరియు సుమారు 2,000 మంది పోలీసులను మోహరించారు. ఇది కాకుండా, తమిళనాడు పోలీసులు, కోస్ట్ గార్డ్ మరియు నేవీకి చెందిన కోస్టల్ సెక్యూరిటీ గ్రూప్ గట్టి నిఘాను నిర్వహించింది.