The GOAT : పవర్ ఫ్యాక్డ్ యాక్షన్ తో 'ది గోట్' ట్రైలర్.. తండ్రీ,కొడుకులుగా అదరగొట్టిన దళపతి విజయ్

Thalapathy Vijay's The GOAT Trailer : దళపతి విజయ్ ఫ్యాన్స్ ఎదురుచూపులు ఫుల్‌స్టాప్ పడింది. ఆయన నటించిన 'GOAT' సినిమా ట్రైలర్ తాజాగా విడుదలైంది. వెంకట్ ప్రభు దర్శకత్వంలో తెరకెక్కిన ఈ చిత్రంపై ఇప్పటికే భారీ అంచనాలు నెలకొన్నాయి. ఇక లేటెస్ట్ గా రిలీజ్ చేసిన ట్రైలర్ ఆ అంచనాలను రెట్టింపు చేసింది. ఇందులో విజయ్ ఇంటర్నేషనల్ స్పై ఏజెంట్ గా కనిపించారు. అంతేకాకుండా విజయ్ డబుల్ రోల్‌లో కనిపించడం హైలైట్.

యాక్షన్, కామెడీ, ఎమోషన్స్‌ అన్నీ కలగలిపిన ఈ ట్రైలర్ ఫ్యాన్స్ ను విపరీతంగా ఆకట్టుకుంటోంది. దీంతో ఈ చిత్రం విజయ్ కెరీర్‌లో మరో మైలురాయిగా నిలువనుందని అభిమానులు భావిస్తున్నారు. తండ్రి పాత్రలో విజయ్ సాల్ట్ అండ్ పెప్పర్ లుక్ లో కనిపిస్తే కొడుకుగా యంగ్ అండ్ స్టైలిష్ మేకోవర్ తో ఆకట్టుకున్నారు. ఇక ట్రైలర్ లో ఈ తండ్రీ,కొడుకుల యాక్షన్ చూసిన ఫ్యాన్స్ రేపు థియేటర్స్ లో ఈ సీన్స్ కి థియేటర్స్ దద్దరిల్లడం గ్యారెంటీ అని అంటున్నారు.

Also Read : ‘రాజా సాబ్’ సెట్స్ లో నిధి అగర్వాల్ బర్త్ డే సెలెబ్రేషన్స్.. ఫొటోలు వైరల్!

ప్రస్తుతం ఈ ట్రైలర్ సోషల్ మీడియాలో వైరల్ గా మారింది. ఏజీఎస్‌ ఎంటర్‌టైన్‌మెంట్స్ నిర్మిస్తున్న ఈ సినిమాలో ప్రభుదేవా, ప్రశాంత్, మోహన్, అజ్మల్ అమీర్, మీనాక్షి చౌదరి, స్నేహ, లైలా, వైభవ్, యోగి బాబు, ప్రేమ్గి అమరన్ తదితరులు కీలక పాత్రల్లో నటించారు. సెప్టెంబర్ 05 న ఈ మూవీ ప్రేక్షకుల ముందుకు రానుంది.