TGSRTC: పేరు మాత్రమే మారింది.. లోగో కాదు.. సజ్జనార్ కీలక ప్రకటన

Sajjanar: TGSRTC కొత్త లోగో విషయంలో సోషల్‌ మీడియాలో జరుగుతున్న ప్రచారంలో ఏమాత్రం వాస్తవం లేదని అన్నారు ఆర్టీసీ ఎండీ సజ్జనార్. అధికారికంగా ఇప్పటివరకు కొత్త లోగోను సంస్థ విడుదల చేయలేదని స్పష్టం చేశారు. టీజీఎస్‌ఆర్టీసీ కొత్త లోగో అంటూ సోషల్‌ మీడియాలో ప్రచారంచేస్తోన్న లోగో ఫేక్‌ అని అన్నారు. ఆ లోగోతో సంస్థకు ఎలాంటి సంబంధం లేదని పేర్కొన్నారు. కొత్త లోగోను సంస్థ రూపొందిస్తోందని తెలిపారు. కొత్త లోగోను టీజీఎస్ఆర్టీసీ యాజమాన్యం ఇంకా ఫైనల్ చేయలేదని చెప్పారు.