Tesla Layoffs: ఎలాన్ మస్క్ టెస్లా సీనియర్ ఉద్యోగులకు షాక్ 

Tesla Layoffs: ఏప్రిల్‌ నెలలో ఉద్యోగుల తొలగింపుల తర్వాత, ఎలోన్ మస్క్ తన ఎలక్ట్రిక్ కార్ కంపెనీ టెస్లాలో మళ్ళీ ఎక్కువ మందిని తొలగించబోతున్నాడు. కంపెనీ గ్లోబల్ వర్క్‌ఫోర్స్‌లో 10 శాతం మంది ఉద్యోగుల తొలగింపుల వల్ల ప్రభావితమయ్యారు. టెస్లాను పునర్వ్యవస్థీకరించే సమయం వచ్చింది అని ఎలోన్ మస్క్ గత వారం చెప్పారు. మస్క్ ఎలక్ట్రిక్ కార్ కంపెనీ ఈ ఏడాది జనవరి-మార్చి కాలంలో $1.13 బిలియన్ల నికర లాభం ఆర్జించింది.  ఇది ఏడాది క్రితం $2.51 బిలియన్ల కంటే 55 శాతం తక్కువ.

ది ఇన్ఫర్మేషన్ నివేదిక ప్రకారం, ఎలోన్ మస్క్ తన సీనియర్ మేనేజ్‌మెంట్ బృందాన్ని తగ్గించి(Tesla Layoffs), వందలాది మంది ఇతర ఉద్యోగులను తొలగిస్తున్నాడు. ఈ తొలగింపులలో భాగంగా టెస్లా సూపర్‌చార్జర్ గ్రూప్ సీనియర్ డైరెక్టర్ రెబెక్కా టినుచి అలాగే  న్యూప్రోడక్ట్స్ హెడ్  డేనియల్ హో కంపెనీని విడిచిపెడుతున్నారని చెబుతున్నారు.  ఎలోన్ మస్క్ సీనియర్ ఎగ్జిక్యూటివ్‌లకు పంపిన ఇమెయిల్ లో  "హెడ్‌కౌంట్ - ఖర్చులను తగ్గించడం గురించి మనం పూర్తిగా కట్టుబడి ఉండాలి" అని ఆయన పేర్కొన్నారు.  ఈ నివేదికపై ఎలోన్ మస్క్ ఇంకా అధికారికంగా వ్యాఖ్యానించలేదు.

Also Read: వెండితెరపై హీరో కృష్ణ సాహస సంతకం అల్లూరి సీతారామరాజు 

టెస్లా ఏప్రిల్ నెలలో 10 శాతం కంటే ఎక్కువ మంది ఉద్యోగులను(Tesla Layoffs) తొలగించింది. EV స్వీకరణ రేట్లు ప్రస్తుతం ప్రపంచవ్యాప్తంగా ఒత్తిడిలో ఉన్నాయని, అనేక ఇతర ఆటో తయారీదారులు 'EVలను నిలిపివేస్తున్నారని.. దానికి బదులుగా ప్లగ్-ఇన్ హైబ్రిడ్‌లను అవలంబిస్తున్నారని' ఆయన విశ్లేషకులకు చెప్పారు. ఎలోన్ మస్క్ మాట్లాడుతూ, ‘’ఇది సరైన వ్యూహం కాదని మేము నమ్ముతున్నాము. ఇది సమయం పడుతుంది కానీ ఎలక్ట్రిక్ వాహనాలు చివరికి మార్కెట్లో ఆధిపత్యం చెలాయిస్తాయి.’’ అంటూ చెప్పారు.