Nigeria : ఉగ్రదాడి...36మంది సైనికులు మృతి..!!

Terror attack in Nigeria : నైజీరియా ఉత్తర ప్రాంతంలో సాయుధ మిలిటెంట్లకు వ్యతిరేకంగా జరిగిన ఆపరేషన్ లో సైన్యంపై ఉగ్రవాదులు దాడికి పాల్పడ్డారు. వైమానికి హెలికాప్టర్ బాంబులు విసరడంతో 36 మంది నైజీరియన్ సైనికులు మరణించారు. ఉత్తర ప్రాంతంలో సాయుధ ముఠాలతో జరిగిన ఘర్షణల్లో ఉగ్రవాదులు మెరుపుదాడి చేశారని నైజీరియా సైన్యం గురువారం తెలిపింది. భారీ సాయుధ ముఠాలు గత రెండు సంవత్సరాలలో వాయువ్య నైజీరియా అంతటా విధ్వంసం సృష్టించాయి. వేలాది మందిని కిడ్నాప్ చేశారు. వందల మందిని చంపారు.

ఆగస్టు 14న నైజర్ రాష్ట్రంలోని షిరోరో లోకల్ గవర్నమెంట్ ఏరియాలోని కుండు గ్రామం చుట్టూ జరిగిన ఆకస్మిక దాడిలో ఏడుగురు సైనికులు గాయపడ్డారని, మృతుల్లో ముగ్గురు అధికారులు, 22 మంది సైనికులు ఉన్నారని రక్షణ ప్రతినిధి మేజర్-జనరల్ ఎడ్వర్డ్ బుబా తెలిపారు.దీంతో నైజీరియాలోని ఉత్తర ప్రాంతంలో ముష్కరుల సంఖ్య పెరుగుతుండటంపై ఆందోళన వ్యక్తమవుతోంది.

క్షతగాత్రులను తరలించేందుకు వైమానిక దళానికి చెందిన ఎంఐ-171 హెలికాప్టర్ సోమవారం షిరోరోలోని చుకుబా గ్రామ సమీపంలో కూలిపోయి మరికొందరు మరణించారు. కూలిపోవడానికి గల కారణాన్ని బుబా ధృవీకరించనప్పటికీ, గ్యాంగ్ సభ్యులు హెలికాప్టర్‌పై కాల్పులు జరిపిన తర్వాత బహుశా హెలికాప్టర్‌ను దించి ఉండవచ్చునని రెండు సైనిక వర్గాలు రాయిటర్స్‌తో తెలిపాయి. డజన్ల కొద్దీ ఉగ్రవాదులను సైన్యం మట్టుబెట్టింది. హింసాత్మక ఉత్తరాది హాట్‌స్పాట్‌లలో శాంతిని పునరుద్ధరించడానికి భద్రతా దళాలు కట్టుబడి ఉన్నాయని సైనిక ప్రతినిధి చెప్పారు.

ఈ దాడి నైజీరియా అధ్యక్షుడు బోలా అహ్మద్ అడెకున్లే టినుబును ప్రేరేపించింది. ఇటీవలి సైనిక తిరుగుబాటు తర్వాత పొరుగున ఉన్న నైజర్‌లో ప్రజాస్వామ్యాన్ని పునరుద్ధరించడానికి పశ్చిమ ఆఫ్రికా ప్రాంతీయ కూటమి ECOWAS ప్రయత్నాలకు నాయకత్వం వహిస్తున్నారు.