Heavy Rains: తెలంగాణపై   దిత్వా ఎఫెక్ట్..రెండు రోజులు భారీ వర్షాలు

Heavy Rains: నైరుతి బంగాళాఖాతంలో ఆగ్నేయ శ్రీలంక తీరం దిశగా నెలకొన్న వాయుగుండం ‘దిత్వా’ తుపానుగా మారి నగరానికి చేరువగా తీరం దాటే అవకాశం ఉందని స్థానిక వాతావరణ కేంద్రం అధికారులు అంచనావేశారు. ఆదివారం వేకువజామున దక్షిణాంధ్ర, ఉత్తర తమిళనాడు మధ్య తీరం దాటిందని పేర్కొన్నారు.  నైరుతి బంగాళాఖాతం, ఉత్తర శ్రీలంకకు ఆనుకుని ఉన్న  తుఫాన్ దిత్వా  పుదుచ్చేరికి దక్షిణ-ఆగ్నేయంగా 180 కి.మీ,చెన్నై కు దక్షిణం ఆగ్నేయంగా 180 కి.మీ. దూరంలో కొనసాగుతోంది. ఈ తుఫాన్ ప్రస్తుతం పుదుచ్చేరి తమిళనాడు తీరాల నుంచి సుమారు 70 కిలోమీటర్ల దూరంలో ఉంది.  రాగల 24 గంటల్లో  ఈ దిత్వా తుఫాను ఉత్తర- దిశగా  ఉత్తర తమిళనాడు తీరానికి సమాంతరంగా  కదిలే అవకాశం ఉంది.

ఈ రాత్రికి ఈ తుఫాను కేంద్రం నైరుతి బంగాళాఖాతంలో ఉత్తర తమిళనాడు, పుదుచ్చేరి  తీర ప్రాంతాల సమీపంలో 30 నుంచి 60 కి.మీ  చేరుకునే అవకాశం ఉంది. ఇప్పటికే తమిళనాడు పుదుచ్చేరిల, కోస్తా ఆంధ్ర , రాయలసీమ కు రెడ్ అలెర్ట్ జారీ చేసింది వాతావరణ శాఖ. 

తెలంగాణపై   దిత్వా ఎఫెక్ట్..

నవంబర్ 30, డిసెంబర్ 1న రాష్ట్రంలోని  నాలుగు జిల్లాలకు  వాతావరణశాఖ భారీ వర్ష సూచన చేసింది. ఈ రోజు  ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో భారీ వర్షాలు, డిసెంబర్ 1న  భద్రాద్రి కొత్తగూడెం, ఖమ్మం, నల్గొండ, సూర్యాపేట జిల్లాల్లో భారీ వర్షాలకు అవకాశం ఉందని తెలిపింది.  ఈరోజు,రేపు ఎల్లుండి  రాష్ట్రంలోని కొన్నిజిల్లాలలో తేలికపాటి నుంచి మోస్తారు వర్షాలు  దక్షిణ తూర్పు జిల్లాలలో అక్కడక్కడ కురిసే అవకాశం ఉందని తెలిపింది వాతావరణ శాఖ.