అరెస్ట్ కాబోతున్నా.. పార్టీ నేతల వద్ద కేటీఆర్ ఎమోషనల్!

కొడంగల్ నియోజకవర్గంలోని లగచర్లలో కలెక్టర్, ఇతర అధికారులపై దాడి అంశం బీఆర్ఎస్ పార్టీలో టెన్షన్ రేపుతోంది. ఇప్పటికే ఈ వ్యవహారంలో ఆ పార్టీ మాజీ ఎమ్మెల్యే పట్నం నరేందర్ రెడ్డి అరెస్ట్ అయిన విషయం తెలిసిందే. అరెస్టు వార్తల నేపథ్యంలో కేటీఆర్ పార్టీ నేతలతో కీలక సమావేశం నిర్వహించారు. ఈ సమావేశంలో కేటీఆర్ షాకింగ్ కామెంట్స్ చేశారు. తనను ఏదో ఒక కేసులో అరెస్టు చేయడానికి ప్రభుత్వం కుట్ర చేస్తోందని పార్టీ నేతలతో అన్నారు. దీనిపై పోరాటం చేయడానికి పార్టీ శ్రేణులంతా సిద్ధంగా ఉండాలని పిలుపునిచ్చారు.