/rtv/media/agency_attachments/K5tL8SzMSJHtxzCWWrSl.png)
/rtv/media/media_files/2024/11/17/edkfn4rmjCeCL5V3NuUq.jpg)
కేంద్ర హోంశాఖ సహాయ మంత్రి బండి సంజయ్ కేటీఆర్ అరెస్ట్ వార్తలపై సంచలన వ్యాఖ్యలు చేశారు. సంగారెడ్డిలో ఈ రోజు బండి సంజయ్ పర్యటించారు. పలు కార్యక్రమాల్లో పాల్గొన్నారు. ఈ సందర్భంగా నిర్వహించిన ప్రెస్ మీట్లో ఆయన మాట్లాడుతూ.. ఢిల్లీలో సెటిల్మెంట్ జరిగిందని.. ఇక కేటీఆర్ అరెస్ట్ కథ కంచికేనన్నారు. ఫోన్ ట్యాపింగ్, కాళేశ్వరం, ఈ ఫార్ములా, ధరణి స్కామ్ కేసులన్నీ గాలికేన్నారు. కలెక్టర్ పై దాడి సూత్రధారి కేటీఆర్ అని తేలినా అరెస్ట్ చేయకపోవడం సిగ్గు చేటని ప్రభుత్వంపై విమర్శలు గుప్పించారు.
ఇది కూడా చదవండి: రేవంత్ సర్కార్కు మద్దతు ప్రకటించిన ఎమ్మెల్సీ కవిత.. ఫొటోలు వైరల్!
తెలంగాణలో ఆర్కే పాలన..
కేటీఆర్ ను అరెస్ట్ చేయకపోవడం సర్కార్ చేతగానితనమేనన్నారు. రాష్ట్రంలో ఆర్కే బ్రదర్స్ పాలన నడుస్తోందన్నారు. కేసీఆర్, రేవంత్ కుటుంబానికి మధ్య వ్యాపార సంబంధాలు ఉన్నాయని ఆరోపించారు. ఈ విషయాన్ని తాను నిరుపిస్తానన్నారు. అయితే.. కేసీఆర్ ఫ్యామిలీ రాజకీయాల నుండి తప్పుకునేందుకు సిద్ధమా? అని సవాల్ విసిరారు.
ఇది కూడా చదవండి: మాట తప్పి చేతులెత్తేసిన రేవంత్.. మహారాష్ట్ర ప్రచారంలో పవర్ స్టార్ పంచులు!
రైతుల సమస్యను పక్కదారి పట్టించేందుకే దాడులు తెరపైకి తెస్తున్నారని ఫైర్ అయ్యారు. బీఆర్ఎస్ విధ్వంసకర పార్టీ అని అన్నారు. దాడులతో ప్రజల ప్రాణాలాతో చెలగాటాలాడుతోందన్నారు. గ్రూప్-1, కానిస్టేబుల్ ఆందోళనలోనూ బీఆర్ఎస్ విధ్వంసం చేయాలనుకుందన్నారు. తెలంగాణలో బీఆర్ఎస్ ను నిషేధించాలన్నారు. రాష్ట్ర ప్రజలారా వాస్తవాలు ఆలోచించండి.. అని పిలుపునిచ్చారు.