Raj tarun: రాజ్‌తరుణ్‌ లవ్ కేసులో మరో బిగ్ ట్విస్ట్.. హైకోర్టు కీలక ఆదేశాలు!

Raj tarun- lavanya: న‌టుడు రాజ్ త‌రుణ్‌- లావణ్య లవ్ కేసులో మరో కీలక మలుపు చోటుచేసుకుంది. రాజ్ తనను మోసం చేశాడంటూ లావ‌ణ్య నార్సింగి పోలీస్ స్టేష‌న్‌లో కేసు పెట్టిన విష‌యం తెలిసిందే. కాగా ఈ కేసులో రాజ్ తరణ్‌ కు తెలంగాణ‌ హైకోర్టు ముందస్తు బెయిల్ మంజూరు చేసింది. నార్సింగి పోలీస్‌స్టేషన్‌లో నమోదైన కేసులో గురువారం విచార‌ణ జ‌రిపిన న్యాయ‌స్థానం అత‌డికి ష‌ర‌తుల‌తో కూడిన బెయిల్‌ను మంజూరు చేసింది. అలాగే.. రూ.20వేలతో రెండు పూచికత్తులు సమర్పించాలని ఆదేశించింది.

ఇది కూడా చదవండి: Pawan Kalyan : టార్గెట్ అల్లు అర్జున్.. పుష్ప క్యారెక్టర్‌పై పవన్ కల్యాణ్ డైరెక్ట్ అటాక్!

ఇక లావణ్యకు హైకోర్టు కీకల ఆదేశాలు జారీ చేసింది. రాజ్ తరుణ్‌ తో పెళ్లి జరిగినట్లు ఆధారాలు కావాలని అడిగింది. లావణ్య చూపించకపోవడంతో కనీసం పెళ్లి శుభలేఖ అయినా ఉందా అని ధర్మాసనం అడిగింది. అయితే ఆధారాలు సేకరించేందుకు తమకు సమయం కావాలని లావణ్య తరపు న్యాయవాది కోరాడు. ఈ క్రమంలోనే రాజ్ తరఫు న్యాయవాది వాదిస్తూ.. గతంలో లావణ్య ట్రాక్‌ రికార్డు సరిగా లేదన్నారు. హీరో రాజ్‌తరుణ్‌ 30కి పైగా సినిమాలు చేశాడని, అతనిపై ఎలాంటి ఆరోపణలు రాలేదన్నారు. లావణ్య ఆధారాలు లేకుండా కేసు నమోదు చేశారని కోర్టుకు వివరించారు.