BREAKING: హైదరాబాద్ లో భారీగా నగదు పట్టివేత.. అవన్నీ పొంగులేటి పైసలేనా?

Telangana Elections 2023: ఎన్నికల వేళ తెలంగాణలో నోట్ల కట్టలు పారుతున్నాయి. నిత్యం ఎక్కడో చోట పోలీసులు భారీగా నగదును పట్టుకుంటున్నారు. తాజాగా హైదరాబాద్ సమీపంలోని అప్పా జంక్షన్ వద్ద భారీగా నగదు పట్టబడింది. మొత్తం 6.5 కోట్ల నగదును స్వాధీనం చేసుకున్నట్లు పోలీసులు చెబుతున్నారు. ఈ డబ్బు కాంగ్రెస్ కీలక నేత, పాలేరు ఎమ్మెల్యే అభ్యర్థి పొంగులేటి శ్రీనివాసరెడ్డికి సంబంధించినదిగా గుర్తించినట్లు తెలుస్తోంది. మొత్తం 6 కార్లలో డబ్బు తరలిస్తుండగా పట్టుకున్నారు పోలీసులు. అయితే.. పొంగులేటి ఈ విషయంపై ఇంతవరకు స్పందించలేదు. పూర్తి వివరాలు తెలియాల్సి ఉంది. (ఈ వార్త అప్డేట్ అవుతోంది..)