చాలామంది ప్రయాణికులు సులభంగా, వేగంగా తమ గమ్యస్థానాలకు చేరేందుకు మెట్రో రైళ్లో ప్రయాణాలు చేస్తుంటారు. అయితే దేశవ్యాప్తంగా నిత్యం కోటి మంది మెట్రోల్లో ప్రయాణిస్తున్నారని కేంద్ర గృహ, పట్టణ వ్యవహారాల శాఖ మంత్రి హర్దీప్‌ సింగ్‌ పురి వెల్లడించారు. దేశంలో 20 నగరాల్లో దాదాపు 895 కిలోమీటర్ల మేర మెట్రో వ్యవస్థ అందుబాటులో ఉందని చెప్పారు.
మధ్యప్రదేశ్‌లోని బుర్హాన్‌పూర్ జిల్లాలో ఓ స్వతంత్ర అభ్యర్థి గాడిదపై వెళ్లి నామినేషన్ వేసి అందర్నీ ఆశ్చర్యానికి గురిచేశారు. దేశంలో వంశ పారంపర్య రాజకీయాలకు వ్యతిరేకంగా ఇలా గాడిదపై వచ్చి నామినేషన్ వేసినట్లు క్లారిటీ ఇచ్చారు. ప్రస్తుతం ఇందుకు సంబంధించిన ఫొటోలు సామాజిక మాధ్యమాల్లో వైరల్ అవుతున్నాయి.
మాల్దీవులకు ఇటీవల మొహమ్మద్ మయిజ్జు అనే నేత నూతన అధ్యక్షునిగా ఎన్నికైన సంగతి తెలిసిందే. అయితే తాజాగా ఆయన పలు కీలక వ్యాఖ్యలు చేశారు. మాల్దీవుల్లో ఉన్న ఇండియన్ ఆర్మీ ఇక్కడి నుంచి వెళ్లాల్సిన అవసరం ఉందన్నారు. ఇప్పటికే ఈ విషయంపై భారత్‌తో చర్చలు ప్రారంభించామని పేర్కొన్నారు.
దేశంలో 169 నగరాల్లో 10 వేల ఎలక్ట్రిక్ బస్సులను కేంద్ర ప్రభుత్వం తీసుకురానుంది. ఇందుకోసం వచ్చేవారమే టెండర్లు ఆహ్వానించే ఛాన్స్ ఉంది. ముందుగా 3వేల ఈ-బస్‌లు అందుబాటులోకి తీసుకురానున్నారు. 3 లక్షల నుంచి 40 లక్షల మధ్య జనాభా ఉన్న నగరాలకే ఈ సేవలు వర్తించనున్నాయి.
అస్సాంలోని హిమంత బిశ్వ శర్మ సర్కార్ బహుభార్యత్వంపై ఉక్కుపాదం మోపుతోంది. జీవిత భాగస్వామి బతికి ఉన్నప్పుడు ప్రభుత్వ ఉద్యోగులు రెండో పెళ్లి చేసుకోకూడదని ఆదేశించింది. వారి వ్యక్తిగత మతాల అనుమతి ఉన్నా కూడా రాష్ట్ర సర్కార్ పర్మిషన్ లేకుండా రెండో వివాహం చేసుకోకూడదని స్పష్టం చేసింది.
చైనాలోని హైనాన్ అనే ప్రాంతంలో ఎనిమిది రకాల కొత్త వైరస్‌లను గుర్తించారు. పరిశోధనల్లో భాగంగా దాదాపు 700 ఎలుకల నుంచి నమూనాలు సేకరించగా.. ఈ 8 వైరస్‌లు ఉన్నట్లు కనుగొన్నారు. అయితే ఎప్పుడైనా ఈ వైరస్‌లు ఎలుకల నుంచి మనుషులకు వ్యాపించే అవకాశాలు ఉన్నాయని శాస్త్రవేత్తలు హెచ్చరికలు చేస్తున్నారు.
పాకిస్థాన్ నుంచి భారత్‌లోకి అక్రమంగా చొరబడేందుకు యత్నించిన ఐదుగురు ఉగ్రవాదుల్ని భద్రతా బలగాలు మట్టుబెట్టాయి. సరిహద్దు అవతలి నుంచి చొరబాటుకు యత్నించిన ఐదుగురు ఉగ్రవాదుల్ని కాల్చేశాయి. పోలీసులు, సైన్యం సంయుక్త ఆపరేషన్‌తో ముష్కరుల కుట్రను భగ్నం చేశారు. ఇందులో హతమైన ఉగ్రవాదులకు లష్కరే తోయిబా అనే ఉగ్రసంస్థతో సంబంధాలు ఉన్నట్లు తెలుస్తోంది.
యూపీలోని అయోధ్యలో వచ్చే ఏడాది జనవరి 22న దేవతామూర్తుల విగ్రహాలను ప్రతిష్ఠించి రామ మందిరాన్ని ప్రారంభించనున్న సంగతి తెలిసిందే. శ్రీరామ జన్మభూమి తీర్థ్‌ క్షేత్ర ట్రస్ట్ సభ్యులు ఆలయ ప్రారంభోత్సవానికి హాజరు కావాలంటూ ప్రధాని మోదీకి ఇటీవల ఆహ్వానం కూడా పలికారు. అయితే ఇప్పుడు తాజాగా రామ జన్మభూమి తీర్థ్‌ క్షేత్ర ట్రస్ట్ రామ మందిరానికి సంబంధించి ఓ వీడియోను విడుదల చేసింది.
ఉత్తరప్రదేశ్‌లో ఓ అనూహ్య ఘటన చోటుచేసుకుంది. ఓ ఉద్యోగానికి దరఖాస్తు చేసుకున్న ఓ వ్యక్తికి 28 ఏళ్ల తర్వాత ఆ ఉద్యోగం వచ్చింది. అంకుర్ గుప్తా అనే వ్యక్తి 1995లో తపాలాశాఖలో అసిస్టెంట్ ఉద్యోగానికి దరఖాస్తు చేసుకున్నాడు. అతను మెరిట్ జాబితాలో చోటు సంపాదించుకుని ముందస్తు శిక్షణకు కూడా ఎంపికయ్యాడు. కానీ అతని విద్యార్హతల కారణంగా ఉద్యోగానికి అనర్హుడంటూ తపాలాశాఖ అంకుర్‌ను ఎంపికైన అభ్యర్థుల జాబితా నుంచి తొలగించింది. చివరికి ఈ వ్యవహారం సుప్రీంకోర్టుకు రావడంతో దీనిపై తాజాగా విచారణ జరిపిన ధర్మాసనం అతనికి నెలరోజుల్లో ఉద్యోగాన్ని ఇవ్వాలని తపాలాశాఖకు ఆదేశాలు జారీ చేసింది.
/rtv/media/post_attachments/wp-content/uploads/2023/10/Accident-1-jpg.webp)
/rtv/media/post_attachments/wp-content/uploads/2023/10/Metro-2-jpg.webp)
/rtv/media/post_attachments/wp-content/uploads/2023/10/Donkey-jpg.webp)
/rtv/media/post_attachments/wp-content/uploads/2023/10/Mohamed-Muizzu-jpg.webp)
/rtv/media/post_attachments/wp-content/uploads/2023/10/Electric-Bus-jpg.webp)
/rtv/media/post_attachments/wp-content/uploads/2023/10/Marriage-1-jpg.webp)
/rtv/media/post_attachments/wp-content/uploads/2023/10/Virus-jpg.webp)
/rtv/media/post_attachments/wp-content/uploads/2023/10/Army-jpg.webp)
/rtv/media/post_attachments/wp-content/uploads/2023/10/Ram-Temple-jpg.webp)
/rtv/media/post_attachments/wp-content/uploads/2023/10/Job-jpg.webp)
