మేడిగడ్డ సందర్శనకు రావాలంటూ మాజీ సీఎం కేసీఆర్ కు ముఖ్యమంత్రి రేవంత్ రెడ్డి పిలుపునిచ్చారు. కేసీఆర్ కోసం హెలికాఫ్టర్ రెడీగా పెట్టామన్నారు. ప్రపంచంలోనే అద్భుతమంటూ బీఆర్ఎస్ నేతలు పొగుడుతున్న కాళేశ్వరం గొప్పతనాన్ని కేసీఆర్ స్వయంగా వివరిస్తే బాగుంటుందని రేవంత్ అన్నారు.
తెలంగాణ హైకోర్టు సీజేకి రాష్ట్ర ప్రభుత్వం లేఖ రాసింది. మేడిగడ్డపై జ్యుడిషియల్‌ ఎంక్వైరీకి సిట్టింగ్ జడ్డిని కేటాయించాలని రేవంత్ సర్కార్ లేఖలో కోరింది. మేడిగడ్డ పిల్లర్లు కుంగడంపై సిట్టింగ్ జడ్జితో విచారణ జరిపిస్తామని సీఎం రేవంత్ ప్రకటించిన విషయం తెలిసిందే.
ఈ రోజు మేడిగడ్డ ప్రాజెక్ట్ సందర్శనకు కాంగ్రెస్ మంత్రులు వెళ్లనున్నారు. మంత్రులు ఉత్తమ్ కుమార్ రెడ్డి, దుద్దిళ్ల శ్రీధర్ బాబు, పొంగులేటి శ్రీనివాసరెడ్డి, పొన్నం ప్రభాకర్, ఎమ్మెల్సీ జీవన్ రెడ్డి మేడిగడ్డ ప్రాజెక్ట్ ను పరిశీలించనున్నారు. సాయంత్రం ప్రెస్ మీట్ పెట్టనున్నారు.
కేసీఆర్ అవినీతి కారణంగానే మేడిగడ్డ బ్యారేజ్ కుంగిందని టీపీసీసీ చీఫ్ రేవంత్ రెడ్డి ధ్వజమెత్తారు. కేంద్రం సహకారంతోనే తెలంగాణలో కాంగ్రెస్ నేతలపై కేసీఆర్ ఐటీ దాడులు చేయిస్తున్నారని ఆరోపించారు.
మేడిగడ్డ బ్యారేజీ వంతెన కుంగిన ఘటనపై పోలీసులు కీలక ప్రకటన చేశారు. ఇరిగేషన్ అధికారుల ఫిర్యాదుపై కేసు నమోదు చేశామని ఎస్పీ కిరణ్ ఖారే తెలిపారు. బ్యారేజీ వంతెన పిల్లర్లపై పగుళ్లు ఉన్నట్లు గుర్తించామని.. ప్రస్తుతం ఈ ఘటనపై అన్ని కోణాల్లో దర్యాప్తు చేస్తున్నామని పేర్కొన్నారు. ఫోరెన్సీక్ క్లూస్ టీం సాయంతో కూడా ఆధారాలు సేకరిస్తున్నామని.. ఇప్పటికే కేంద్ర కమిటీ కూడా బ్యారేజీని పరిశీలించిందని చెప్పారు.
కిషన్ రెడ్డి లేఖతో మేడిగడ్డ (లక్ష్మి) బ్యారేజ్ (Medigadda) పిల్లర్లు కుంగిన ఘటనపై కేంద్రం రంగంలోకి దిగింది. కేంద్ర జలవనరుల సంఘం సభ్యుడు అనిల్ జైన్ నేతృత్వంలో కమిటీని ఏర్పాటు చేసింది. ఈ కమిటీ ఈ రోజు రాష్ట్ర నీటిపారుదల అధికారులతో సమావేశం కానుంది. రేపు బ్యారేజ్ ను సందర్శించనుంది.
గోదావరి నదిపై మహదేవ్ పూర్ వద్ద నిర్మించిన మేడిగడ్డ బ్యారేజీ కుంగింది. అర్థరాత్రి సమయంలో భారీ శబ్దంతో బి-బ్లాకులోని బ్యారేజీ 20వ పిల్లర్‌ కుంగింది. దాంతో బ్రిడ్జ్ స్వల్పంగా కుంగింది. ఈ ఊహించని పరిణామంతో అలర్ట్ అయ్యారు అధికారులు. డ్యామ్ పరిసరాల్లో అలర్ట్ ప్రకటించారు. బ్యారేజీ కుంగుబాటు నేపథ్యంలో.. మహారాష్ట్ర- తెలంగాణ రాష్ట్రాల మధ్య రాకపోకలు నిలిపివేశారు అధికారులు. ఈ ఘటన వెనుక అసాంఘిక శక్తులు ఉండొచ్చని అనుమానం వ్యక్తం చేస్తున్నారు అధికారులు. సిరోంచ, మహదేవ్ పూర్ పోలీస్ స్టేషన్లలో ఫిర్యాదు చేశారు.
/rtv/media/post_attachments/wp-content/uploads/2024/02/WhatsApp-Image-2024-02-13-at-4.13.04-PM-jpeg.webp)
/rtv/media/post_attachments/wp-content/uploads/2024/02/revanth-jpg.webp)
/rtv/media/post_attachments/wp-content/uploads/2024/01/MEDIGADDA-jpg.webp)
/rtv/media/post_attachments/wp-content/uploads/2023/12/congress-mini-jpg.webp)
/rtv/media/post_attachments/wp-content/uploads/2023/11/Revanth-Reddy-1-jpg.webp)
/rtv/media/post_attachments/wp-content/uploads/2023/10/Medigadda-Barrage-jpg.webp)
/rtv/media/post_attachments/wp-content/uploads/2023/08/FotoJet-9-2-jpg.webp)
/rtv/media/post_attachments/wp-content/uploads/2023/10/Kaleswaram-Project-jpg.webp)
