ఇజ్రాయెల్ గాజాపై దాడులు చేస్తున్న వేళ.. భారత్ తమకు మద్దతు ఇవ్వడంపై ఇజ్రాయెల్ రాయబారి హర్షం చేశారు. ఇప్పుడు భారత్ కూడా హమాస్ను ఉగ్రసంస్థగా గుర్తించాల్సిన సమయం ఆసన్నమైందని తాను భావిస్తున్నానని అన్నారు. అయితే ఇది ఒకరు ఒత్తిడి తెచ్చే అంశం కాదని.. ఉగ్రవాద వ్యతిరేక కార్యకలాపాలు, ఇతర వ్యూహాత్మక విషయాల్లో ఇజ్రాయెల్-భారత్ ఒకే రకమైన అభిప్రాయాలతో ఉన్నాయని చెప్పారు.
గాజాపై ఇజ్రాయెల్ చేస్తున్న భీకర ప్రతిదాడిలో సామాన్య ప్రజలు ప్రాణాలు కోల్పోతున్నారు. ఈ నేపథ్యంలో ఇజ్రాయెల్ డిఫెన్స్ ఫోర్స్ పలు ఆసక్తికర వ్యాఖ్యలు చేసింది. గాజాలో ప్రజలు ప్రాణాలు కోల్పోకుండా, ప్రశాంతంగా ఉండాలంటే హమాస్ ఉగ్రవాదుల ఆచూకి వివరాలు తమతో పంచుకోవాలని విజ్ఞప్తి చేసింది. ఉగ్రవాదుల ఉనికిని చెప్పిన వారి వివరాలను ఎట్టి పరిస్థితుల్లో కూడా బయటకు చెప్పమని హామీ ఇచ్చింది. అలాగే సమాచారం చెప్పిన వారికి ప్రైజ్మనీని కూడా అందిస్తామని తెలిపింది.
గాజాపై ఇజ్రాయెల్ తమ దాడులు కొనసాగిస్తున్న వేళ అమెరికా మాజీ అధ్యకుడు బరాక్ ఒబామా కీలక వ్యాఖ్యలు చేశారు. గాజాపై ఇజ్రాయెల్ తీసుకుంటున్న చర్యలు.. చివరికి ఆ దేశానికి బెడిసికొట్టే అవకాశాలు ఉన్నాయని హెచ్చరించారు. గాజాను దిగ్బంధించి.. అక్కడ ఆహారం, నీటి సరఫరా నిలిపివేత వంటి ఆంక్షలతో.. ఇజ్రాయెల్పై పాలస్తీనియన్లలో మరింత ఆగ్రహం పెరిగే అవకాశాలున్నాయని అన్నారు. ఈ చర్యలు ఇజ్రాయెల్కు అంతర్జాతీయ మద్దతును కూడా బలహీనపరుస్తాయని చెప్పారు.
గాజాపై ఇజ్రాయెల్ దాడులు చేస్తున్న నేపథ్యంలో ఓ కీలక విషయం వెలుగులోకి వచ్చింది. ప్రస్తుతం హమాస్ మిలిటెంట్ల చెరలో 222 మంది బందీలుగా ఉన్నట్లు ఐడీఎఫ్ అధికార ప్రతినిధి ప్రకటన చేశారు. ఇదే చివరి సంఖ్య కాదని.. కనిపించకుండా పోయిన వారి కోసం ప్రస్తుతం మిలిటరీ దర్యాప్తు కొనసాగుతోందని తెలిపారు. ఇక హమాస్ దాడి జరిగిన అనంతరం 13 కుటుంబాలకు చెందిన 21 మంది చిన్నారులు అనాథలుగా మారిపోయారని తాజాగా ఇజ్రాయెల్ వెల్ఫేర్ మంత్రిత్వ శాఖ వెల్లడించింది.
ఇజ్రాయెల్-హమాస్ మిలిటెంట్ల మధ్య భీకర యుద్ధ వాతావరణం నెలకొన్న నేపథ్యంలో పాలస్తీనా ప్రజలు తీవ్రంగా నష్టపోయారు. అయితే ఆ దేశ ప్రజల్ని ఆదుకునేందుకు భారత్ ముందుకొచ్చింది. విపత్తు సహాయ సామాగ్రిని అలాగే ఔషధలాను ఆదివారం గాజాకు తరలించింది. ప్రాణాధార ఔషధాలు, శస్త్రచికిత్స వస్తువులు, గుడారాలు, స్లీపింగ్ బ్యాగ్స్, శానిటరీ యుటిలిటీస్, నీటి శుద్ధీకరణ మాత్రలతో పాటుగా ఇతర వస్తువులను మానవతా సాయంలో భాగంగా పంపిస్తున్నట్లు భారత విదేశాంగ మంత్రిత్వశాఖ అధికార ప్రతినిధి అరిందమ్ బాగ్చీ 'ఎక్స్' లో వెల్లడించారు.
ఇజ్రాయెల్, పాలస్తీనా ఉగ్రవాద సంస్థ హమాస్ల మధ్య నెలకొన్న భీకర యుద్ధ వాతావరణం ఇంకా చల్లారలేదు. ఇరు దేశాల ప్రజలు బిక్కుబిక్కుమంటూ గడుపుతున్నారు. తాజాగా కేరళ మహిళల వీడియో ఇప్పుడు సోషల్ మీడియాలో వైరలవుతోంది. ఇక వివరాల్లోకి వెళ్తే.. కేరళకు చెందిన సబిత, మీరా మోహన్ అనే ఇద్దరు మహిళలు ఇజ్రాయెల్లో కేర్ గీవర్లుగా పనిచేస్తున్నారు.
హమాస్ మిలిటెంట్లు ఇజ్రాయెల్పై దాడి చేసి యుద్ధానికి తెరలేపారు. మహిళలు, పసిపిల్లలను హతమార్చారు. ఇలాంటి తరుణంలో హమాస్ దాడుల నుంచి టెస్లా కారు సాయంతో ఓ వ్యక్తి ప్రాణాలతో బయటపడటం ఇప్పుడు సోషల్ మీడియాలో వైరలవుతోంది. ఇందుకు సంబంధించి ఇజ్రాయెల్ ఫ్రీడమ్ పార్టీ నేత గిలాద్ ఆల్పర్ ఎక్స్లో షేర్ చేశారు. అయితే ఆ బాధితుడి వివరాలు మాత్రం వెల్లడించలేదు.
ఇజ్రాయెల్, హమాస్ ఉగ్రవాదుల మధ్య నెలకొన్న దాడులు తీవ్ర ఉద్రిక్తతలకు దారి తీస్తున్నాయి. హమాస్ ఉగ్ర నెట్వర్క్ను లక్ష్యంగా చేసుకొని ఇజ్రాయెల్ వరుసగా చేస్తున్న దాడులతో గాజా వణికిపోతోంది. ఇటీవల హమాస్ ఇజ్రాయెల్పై ఒక్కసారిగా దాదాపు 5 వేల రాకెట్లతో దాడి చేసిన సంగతి తెలిసిందే. అయితే ఈ ఘటన జరిగిన అనంతరం గత వారం రోజుల నుంచి ఇజ్రాయెల్ సైన్యం వైమానిక దాడులు జరుపుతోంది.
ఇజ్రాయెల్ సైన్యం హమాస్ మిలిటెంట్ స్థావరాల మీద విరుచకుపడుతున్నాయి. సాధారణ పౌరులను అదుపులోకి తీసుకుని చిత్రహింసలకు గురి చేస్తున్న ఉగ్రమూకలపై ఊహించని విధంగా దాడులు చేస్తున్నాయి. ముఖ్యంగా గాజా పరిసర ప్రాంతాల్లో సొరంగాల్లో దాక్కుని దాడులు చేస్తున్న వాళ్లని కనిపెట్టి గట్టి బదులిస్తున్నారు. బందీలుగా ఉన్న వాళ్ళను ఇజ్రాయెల్ సైన్యం తమ ప్రాణానలు పణంగా పెట్టి మరీ కాపాడుతున్నాయి.
/rtv/media/post_attachments/wp-content/uploads/2023/10/Soldiers-jpg.webp)
/rtv/media/post_attachments/wp-content/uploads/2023/10/Gaza-2-2-jpg.webp)
/rtv/media/post_attachments/wp-content/uploads/2023/10/Gaza-1-jpg.webp)
/rtv/media/post_attachments/wp-content/uploads/2023/10/Barack-Obama-jpg.webp)
/rtv/media/post_attachments/wp-content/uploads/2023/10/Meidcal-Aid-jpg.webp)
/rtv/media/post_attachments/wp-content/uploads/2023/10/Sabitha-jpg.webp)
/rtv/media/post_attachments/wp-content/uploads/2023/10/Tesla-jpg.webp)
/rtv/media/post_attachments/wp-content/uploads/2023/10/ISREAL-2-jpg.webp)
