వైసీపీ నాయకులకు టీడీపీ నేత పరిటాల శ్రీరామ్ మాస్ వార్నింగ్ ఇచ్చారు. 'వైసీపీ నాయకులు ఒక్కటే గుర్తు పెట్టుకోవాలి. రాష్ట్రానికి ఎంతో మంచి చేసిన చంద్రబాబు నాయుడునే జైలుకు పంపించినప్పుడు భవిష్యత్లో మీ పరిస్థితి ఏంటన్నది ఊహించుకోవాలి. ముఖ్యంగా ధర్మవరంలో అరాచకాలు చేస్తున్న వారు.. రానున్న రోజుల్లో ఎలాంటి పరిస్థితులు వస్తాయో ఊహించి మసులుకోవాలి.' అంటూ సీరియస్ వార్నింగ్ ఇచ్చారు.
చంద్రబాబు అరెస్ట్కు నిరసనగా తెలుగుదేశం పార్టీ మరో నిరసన కార్యక్రమానికి పిలుపునిచ్చింది. 'జగనాసుర చీకటి పాలనకు నిరసనగా కళ్లకు గంతలు కట్టుకుందాం.. వాకిళ్లు, బాల్కనీలు, వీధుల్లోకి వచ్చి, చంద్రబాబుకు సంఘీభావంగా "నిజం గెలవాలి" అని గట్టిగా నినదిద్దాం.' అంటూ పార్టీ శ్రేణులకు, ప్రజలకు పిలుపునిచ్చారు నారా లోకేష్. టీడీపీ శ్రేణులు, ప్రజలు తాము చేపట్టిన నిరసన కార్యక్రమానికి సంబంధించిన వీడియోలను, చిత్రాలను సోషల్ మీడియాలో పోస్ట్ చేయాలని కోరారు లోకేష్.
ఆంధ్రప్రదేశ్లో బీజేపీ రాష్ట్ర అధ్యక్షురాలు పురందేశ్వరి దూకుడు పెంచుతున్నారు. ఆమె అధ్యక్షురాలు అయినప్పటి నుంచి తనదైన శైలిలో వైసీపీ సర్కార్పై తీవ్రంగా విమర్శలు చేస్తున్నారు. అయితే ఆమె టీడీపీ మైలేజ్ పెంచడం కోసమే ఇలా వ్యవహరిస్తోందని వైసీపీ నేతలు ఆరోపిస్తున్నారు. మరి పురందేశ్వరి చూపిస్తున్న దూకుడు.. సొంత పార్టీ కోసమా లేక టీడీపీ కోసమా అనేది చర్చనీయాంశంగా మారింది.
చంద్రబాబును తల్చుకుని నారా భువనేశ్వరి ఒక్కసారిగా భావోద్వేగానికి లోనయ్యారు. చంద్రగిరిలో పర్యటిస్తున్న ఆమె.. తన భర్త లేకుండా రెండు రోజులు స్వగ్రామంలో ఉండటం తనను తీవ్రంగా కలచివేసిందన్నారు. తన భర్తతో ఉన్న జ్ఞాపకాలు తన మనసును పిండేశాయన్నారు. చంద్రబాబు ఏ తప్పూ చేయలేదని, ఈ రోజు కాకపోయినా రేపు అయినా నిజం గెలవడం ఖాయం అన్నారు.
రాజమండ్రిలోని జేఏసీ సమావేశం అనంతరం జనసేన చీఫ్ పవన్ కళ్యాణ్ కీలక వ్యాఖ్యలు చేశారు. మరో వారం, పది రోజుల్లో ఉమ్మడి కార్యాచరణతో ప్రజల ముందుకు వస్తామని తెలిపారు. టీడీపీ-జనసేన ఎలా ముందుకెళ్లాలి అనే అంశంపై, ఉమ్మడి ప్రణాళికపై లోతుగా చర్చించామని.. అలాగే ఉమ్మడి మేనిఫెస్టోపై కూడా దాదాపు 3గంటలసేపు చర్చించామని పేర్కొన్నారు. వైసీపీ అరచకానికి జనసేన-టీడీపీ ప్రభుత్వమే విరుగుడు అంటూ వ్యాఖ్యానించారు. బీజేపీ నాయకత్వం కూడా మాతో కలిసి రావడానికి సానుకూలంగా ఉందని.. ఎట్టి పరిస్థితుల్లో ప్రజా వ్యతిరేక ఓటు చీలనీవ్వమని స్పష్టం చేశారు.
తెలంగాణ, ఏపీ సరిహద్దుల్లో ఉద్రిక్త పరిస్థితులు నెలకొన్నాయి. భద్రాచలం ఆలయ భూముల్లో గోశాల నిర్మాణ పనులు చేపడుతుండగా.. ఆంధ్రప్రదేశ్కు చెందిన పురుషోత్తపట్నం గ్రామస్థులు అడ్డుకున్నారు. దేవాలయం భూములు తమవేనంటూ ఆందోళన చేశారు. దీంతో భద్రాచలం ఆలయ సిబ్బంది, గ్రామస్థుల మధ్య ఘర్షణ వాతావరణం నెలకొంది. గోశాల నిర్మాణ పనులకు సహకరించాలని.. ఏపీ రెవెన్యూ అధికారుల్ని భద్రాచలం ఆలయ ఈవో రమాదేవి కోరుతున్నప్పటికీ.. ఇందుకు ఏపీ రెవెన్యూ అధికారులు సహకరించడం లేదు.
కాకినాడ జిల్లా తాళ్లరేవు మండలంలోని గోదావరిలో నలుగురు యువకులు గల్లంతైన ఘటన మరువకముందే మరో విషాదం చోటుచేసుకుంది. తాజాగా పశ్చిమ గోదావరి జిల్లా పేరుపాలెం బీచ్లో ఒకే కుటుంబానికి చెందిన ఐదుగురు గల్లంతవ్వడం కలకలం రేపుతోంది. వీళ్లలో ఇద్దరు యువకులు, ఇద్దరు యువతులు, ఓ మహిళా ఉన్నారు. సావిత్రి, అనుపోజు రఘువర్మ, అనుపోజు వసంత్లు మృతిచెందినట్లుగా గుర్తించారు. మరో ఇద్దరు యువతుల పరిస్థితి విషమంగా ఉంది. ప్రస్తుతం వీళ్లిద్దరినీ మెరుగైన వైద్యం కోసం భీమవరం ప్రభుత్వాసుపత్రికి తరలించి చికిత్స అందిస్తున్నారు.
మంత్రి పెద్దిరెడ్డి రామచంద్రారెడ్డి అనుచరులు రెచ్చిపోయారు. టీడీపీ కార్యకర్తలపై దౌర్జన్యానికి దిగారు. శ్రీకాకుళం నుండి తిరుపతికి సైకిల్ యాత్ర చేస్తున్న యువకులను పుంగనూరు నియోజకవర్గం పరిధిలో పెద్దిరెడ్డి అనుచరులు అడ్డగించారు. టీడీపీ కార్యకర్తలను బండ బూతులు తిట్టారు. సైకిల్కి ఉన్న జెండాలను దగ్గరుండి మరీ తీసేయించారు. జెండాలు, బ్యాగులు సర్దుకుని వచ్చిన దారినే వెనక్కి వెళ్లాలంటూ వార్నింగ్ ఇచ్చారు.
ఏపీ గవర్నర్ సంచలన నిర్ణయం తీసుకున్నారు. చంద్రబాబుకు వ్యతిరేకంగా ప్రెస్ కాన్ఫరెన్స్ పెట్టినందుకు అడిషనల్ అడ్వకేట్ జనరల్ పొన్నవోలు సుధాకర్ రెడ్డి, ఏపీ సీఐడీ చీఫ్ సంజయ్పై విచారణ చేపట్టాలంటూ ప్రభుత్వాన్ని ఆదేశించారు. ఈ మేరకు గవర్నర్ కార్యాలయ కార్యదర్శి, రాష్ట్ర ప్రభుత్వ ప్రధాన కార్యదర్శికి లేఖ రాశారు.
/rtv/media/post_attachments/wp-content/uploads/2023/09/FotoJet-31-1-jpg.webp)
/rtv/media/post_attachments/wp-content/uploads/2023/10/Paritala-Sriram-jpg.webp)
/rtv/media/post_attachments/wp-content/uploads/2023/10/Chandrababu-Arrest-updates-jpg.webp)
/rtv/media/post_attachments/wp-content/uploads/2023/10/Purandeswari-jpg.webp)
/rtv/media/post_attachments/wp-content/uploads/2023/10/Nara-Bhuvaneshwari-jpg.webp)
/rtv/media/post_attachments/wp-content/uploads/2023/10/Pawan-kalyan-and-Lokesh-jpg.webp)
/rtv/media/post_attachments/wp-content/uploads/2023/10/Temple-Land-isuue-jpg.webp)
/rtv/media/post_attachments/wp-content/uploads/2023/10/Drowning-jpg.webp)
/rtv/media/post_attachments/wp-content/uploads/2023/10/Peddireddy-Followers-1-jpg.webp)
/rtv/media/post_attachments/wp-content/uploads/2023/10/Andhra-Pradesh-Governor-1-jpg.webp)
