Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Adipurush

Hanu-Man Movie : ఎంకి పెళ్ళి సుబ్బి చావుకు.. హనుమాన్ హిట్ – ఆదిపురుష్ మీద ట్రోలింగ్

Published on by

Adipurush Trolling : ఎంకి పెళ్ళి సుబ్బి చావుకు రావడం అంటే ఇదే. హనుమాన్(Hanu-Man) సినిమా హిట్ అవడం ఏమో కానీ మధ్యలో ఆదిపురుష్(Adipurush) సినిమా మీద విపరీతంగా ట్రోలింగ్ అవుతోంది. ఆ మూవీ డైరెక్టర్ ఓం రౌతును అయితే జనాలు ఓ లెవల్లో ఆడేసుకుంటున్నారు. ఇంతకీ విషయం ఏంటంటే…హనుమాన్ సినిమా నిన్న విడుదల అయింది. ప్రశాంత్ వర్మ డైరెక్షన్‌లో వచ్చిన ఈ మూవీ అద్భుతంగా ఉందని టాక్ వచ్చింది. గ్రాఫిక్స్ అయితే మైండ్ బ్లోయింగ్ అంటున్నారు. అన్నిటికన్నా ఇంపార్టెంట్ ఏంటంటే కేవలం 25 కోట్లలో మూవీని చాలా గొప్పగా తీశాడని చెప్పుకుంటున్నారు. పెద్ద పెద్ద డైరెక్టర్లు కూడా ప్రశాంత్ వర్మ(Prashanth Varma) ను చూసి నేర్చుకోవాలని చెబుతున్నారు. రాజమౌళి లాంటి వారిని కూడా వదలడం లేదు. అంత తక్కువ బడ్జెట్‌లో హాలీవుడ్‌ లెవల్ గ్రాఫిక్స్ తీశాడంటే భయ్యా…మాటల్లేవ్ అని చెబుతున్నారు.

Also read:కొత్త ఆవకాయలా ఇంటిల్లిపాదీ మెచ్చే సూపర్ హీరో హను-మాన్!

ఇప్పుడు ఈ టాకే ఆదిపురుష్ టీమ్‌కు పెద్ద తలనొప్పిగా మారింది. ఎందుకంటే ఆదిపురుష్‌ మూవీకి ఓం రౌతు(Om Raut) వందకోట్లు ఖర్చుపెట్టాడు. పోనీ సినిమా ఏమైనా బావుందా అంటే…పరమ దరిద్రంగా ఉంది. చిన్న పిల్లలు కూడా ఆ గ్రాఫిక్స్ చూసి పడీపడీ నవ్వుకున్నారు. కానీ హనుమాన్ సినిమాకు 25 కోట్లే ఖర్చు పెట్టారు. వీఎఫ్ఎక్స్ పీక్స్‌లో ఉన్నాయి. అందుకే అందరూ ఓం రౌతుకు సలహాలు ఇస్తున్నారు. భయ్యా సినిమా ఎలా తీయాలో ప్రశాంత్ వర్మను చూసి నేర్చుకో అంటూ క్లాసులు పీకుతున్నారు.

హనుమాన్ సినిమాకు పెట్టింది ఇరవై నుంచి ఇరవై ఐదు కోట్లు. కానీ వచ్చింది మాత్రం వంద కోట్లకు పైగా ఉంటుంది. ఇంత తక్కువ బడ్జెట్ అంత క్వాలిటీని ఎలా రాబట్టుకున్నాడో ప్రశాంత్ వర్మ నుంచి అంతా నేర్చుకోవాలని అంటున్నారు. ఇది టాలీవుడ్‌(Tollywood), బాలీవుడ్(Bollywood) మేకర్లు తెలుసుకోవాల్సిన విషయం అని, ఇదొక గైడెన్స్‌లా నిలిచిపోతుందని, అంతా ప్రశాంత్ వర్మ వద్ద నేర్చుకోవాల్సిన విషయమని నెటిజన్లు అంటున్నారు.

హనుమంతునితో బూతులు మాట్లాడించిన రచయిత.. ఎలా పశ్చాత్తాప పడుతున్నాడో చూడండి

Published on by

Manoj Muntashir: ప్రభాస్‌,కృతిసనన్‌ జంటగా వచ్చిన భారీ బడ్జెట్‌ మూవీ ‘ఆదిపురుష్‌’ (Adipurush). ఓం రౌత్‌ తెరకెక్కించిన ఈ సినిమాలో డైలాగ్స్‌ వివాదాస్పదమైన విషయం తెలిసిందే. కాగా దీనిపై తాజాగా స్పందించిన ఈ సినిమా మాటల రచయిత మనోజ్‌ ముంతాషిర్ (Manoj Muntashir) తనది 100 శాతం తప్పేనని అంగీకరించారు.

Also read :ఫిట్‏నెస్‌ సెంటర్‌ కోచ్‌ వక్ర బుద్ధి.. యువతి స్నానం చేస్తుండగా ఏం చేశాడంటే?

రీసెంట్ గా ఓ ఇంటర్వ్యూలో ఇష్యూపై మాట్లాడిన ఆయన.. సినిమా కోసం అద్భుతంగా మాటలు రాశానని ప్రశంసించుకునే అభద్రతా భావం తనకు లేదన్నాడు. ‘నాది 100 శాతం తప్పే. శ్రీరాముడు, హనుమంతుడు, సనాతన ధర్మాన్ని (Sanatana Dharma) తప్పుగా చూపించాలనే చెడు ఉద్దేశం నాకు ఏమాత్రం లేదు. కాకపోతే ఈ విషయంలో పెద్ద తప్పే చేశా. ఈ ఘటన నుంచి ఎంతో నేర్చుకున్నా. ఇకపై మరింత జాగ్రత్తగా ఉండాలని అర్థమైంది.

డైలాగ్స్‌ విషయంలో వివాదం నెలకొన్నప్పుడు నేను సరిగ్గా స్పందించలేకపోయాను. అది కూడా పొరపాటే’ అని అపాలజీ కోరారు. ఇక సినిమాలోని హనుమంతుడి డైలాగ్స్‌ విషయంలో వివాదం చెలరేగింది. హనుమంతుడితో ఇబ్బందికరమైన పదాలు మాట్లాడించడంపై పలువురు నెటిజన్లు ఆగ్రహం వ్యక్తం చేశారు. సామాజిక మాధ్యమాల్లో తీవ్ర వ్యతిరేకత ఎదురైంది. దీంతో చిత్రబృందం అప్పట్లో క్షమాపణలు చెప్పి.. డైలాగ్స్‌ మార్చిన విషయం తెలిసిందే. ఇక రామాయణం ఆధారంగా రూపొందిన ‘ఆదిపురుష్‌’ సినిమాలో రాఘవగా ప్రభాస్‌ (Prabhas) , జానకిగా కృతిసనన్‌, రావణుడిగా సైఫ్‌ అలీఖాన్‌ నటించారు. సుమారు రూ.600 కోట్ల బడ్జెట్‌తో తెరకెక్కిని సినిమా భారీ అంచనాలతో రిలీజైనప్పటికీ మిశ్రమ స్పందనలకే పరిమితమైంది.