Kanguva Movie: చరిత్ర సృష్టించిన హీరో సూర్య.. 38 భాషల్లో విడుదల..!

Kanguva Movie: కోలీవుడ్ స్టార్ హీరో సూర్య నటిస్తున్న చిత్రం 'కంగువా'. 2019 లో సూర్య 39 అనే పేరుతో మేకర్స్ ఈ ప్రాజెక్ట్ అనౌన్స్ చేసిన సంగతి తెలిసిందే. 2021 లో ప్రీ ప్రొడక్షన్ స్టార్ట్ చేసిన మేకర్స్ 2023 ఏప్రిల్ నెలలో అఫీషియల్ గా సినిమా టైటిల్ ను రిలీజ్ చేశారు. స్టూడియో గ్రీన్ బ్యానర్.. జ్ఞాన్ వెల్ రాజా నిర్మాణంలో  డైరెక్టర్ శివ ఈ సినిమాను తెరకెక్కిస్తున్నారు. పీరియాడిక్ యాక్షన్ డ్రామా తరహాలో రూపొందుతున్న ఈ సినిమా పై ప్రేక్షకుల్లో భారీ అంచనాలు ఉన్నాయి. కంగువా సినిమాలో సూర్య సరసన దిశా పటానీ కనిపించనుంది. ఈ చిత్రంలో సూర్య ఆరు రకాల పాత్రల్లో కనిపించనున్నారు. ఇప్పటికే ఈ సినిమా షూటింగ్ పనులు చాలా వేగంగా జరుగుతున్నాయి. గోవా, కేరళ, కొడైకెనాల్, రాజమండ్రీ లొకేషన్స్ లో పలు సన్నివేశాలను చిత్రీకరించినట్లు తెలుస్తోంది. రిలీజ్ కు ముందే ఈ సినిమా గురించి సోషల్ మీడియాలో విపరీతమైన బజ్ మొదలైంది.

భారీ బడ్జెట్, హై సినిమాటిక్ స్టాండర్డ్స్ తో తెరకెక్కుతున్న ఈ సినిమా పై ప్రేక్షకులు భారీ అంచనాలతో ఎదురుచూస్తున్నారు. ఇక తాజాగా ఈ సినిమా పై నిర్మాత జ్ఞానవేల్ రాజా చేసిన వ్యాఖ్యలు ప్రేక్షకుల అంచనాలను మరింత పెంచేశాయి.

'కంగువా' నిర్మాత జ్ఞానవేల్ రాజా మాట్లాడుతూ.. 'ప్రస్తుతం సినిమా బృందం షూటింగ్ పనుల్లో బిజీగా ఉంది. ఈ సినిమాను ప్రారంభించే ముందు కేవలం 10 భాషల్లో రిలీజ్ చేయాలనీ ప్లాన్ చేశాము. కానీ ఇప్పుడు కంగువా ను 38 లాంగ్వేజెస్ లో విడుదల చేయడానికి ఏర్పాట్లు చేస్తున్నాము. అంతే కాకుండా ఈ సినిమా 3 D వర్షన్ లో కూడా అందుబాటులోకి రాబోతున్నట్లు తెలిపారు. సూర్య నటిస్తున్న 'కంగువా' కోలీవుడ్ ఇండస్ట్రీ స్థాయిని మరింత పెంచేలా ఉండబోతున్నట్లు' నిర్మాత జ్ఞానవేల్ రాజా అన్నారు. ఇక నిర్మాత జ్ఞానవేల్ రాజా చేసిన వ్యాఖ్యలతో సినిమా పై ప్రేక్షకుల అంచనాలు భారీగా పెరిగాయి.

Also Read: Suma Kanakala’s: యాంకర్ సుమకు చిరంజీవి అదిరిపోయే గిఫ్ట్..!