IPL 2024 : సునీల్ నరైన్ Vs నితీష్ రెడ్డి.. బర్త్ డే బాయ్స్ మధ్య ఫైట్..ఫైనల్లో ట్రోఫితో బర్త్ డే సెలెబ్రేట్ చేసుకునేదెవరు?

IPL 2024 Final : ఐపీఎల్ 2024 లీగ్ ఫైనల్ దశకు చేరుకుంది. మే 26 ఆదివారం చెన్నై (Chennai) లోని చెపాక్ స్టేడియం (Chepauk Stadium) లో ఈ ఫైనల్ మ్యాచ్ జరగనుంది. ఫైనల్ లో SRHతో KKR తలపడనుంది. ఈ మ్యాచ్ ని తిలకించేందుకు యావత్ క్రికెట్ అభిమానులు ఎంతో ఆసక్తిగా ఎదురుచూస్తున్నారు. ఇదిలా ఉంటే ఈ సారి జరిగే ఫైనల్ ఇరు జట్ల ఆటగాళ్లకు ఎంతో స్పెషల్ గా ఉండబోతుంది.

KKR టీమ్ నుంచి సునీల్ నరైన్, SRH నుంచి నితీష్ కుమార్ రెడ్డి ఇద్దరూ ఫైనల్ మ్యాచ్ రోజే తమ పుట్టిన రోజు జరుపుకుంటున్నారు.ఈ క్రమంలోనే ఈ ఇద్దరిలో ఏ ప్లేయర్ ట్రోఫితో బర్త్ డే సెలెబ్రేట్ చేసుకుంటాడనేది సర్వత్రా ఆసక్తికరంగా మారింది. ఇక వీళ్ళ అనుభవం విషయానికొస్తే.. KKR ప్లేయర్ సునీల్ నరైన్ కి నితీష్ రెడ్డి కంటే ఎక్కవ ఫైనల్స్ ఆడిన అనుభవం ఉంది.

Also Read : చెన్నైలో వర్షం.. ఐపీఎల్ ఫైనల్ మ్యాచ్ పరిస్థితి ఏమవుతుంది? 

అయినప్పటికీ ప్రెజెంట్ ఈ ఇద్దరు ఆటగాళ్లు మాంచి ఫామ్ లో ఉన్నారు. ఈ సీజన్ లో సునీల్ నరైన్ ఓపెనర్ గా వచ్చి అదరగొట్టాడు. ఈ సీజన్‌లో అత్యధిక రన్ స్కోరర్‌గా ఉన్నాడు. ఇప్పటివరకు 13 ఇన్నింగ్స్‌లలో 37.07 సగటుతో మరియు 179.85 స్ట్రైక్ రేట్‌తో 482 పరుగులు చేశాడు. బ్యాట్స్ మెన్ గానే కాకుండా ఆఫ్-స్పిన్నర్ గా కూడా 13 ఇన్నింగ్స్‌లలో 16 వికెట్లు తీసి ఆకట్టుకున్నాడు.

ఇక నితీష్ కుమార్ రెడ్డి ఈ సీజన్ లో DCకి వ్యతిరేకంగా 37 (27)తో మంచి నాక్ ఆడాడు మరియు కుడి-చేతి సీమ్‌తో 2/17 కైవసం చేసుకున్నాడు. RRకి వ్యతిరేకంగా ఈ సీజన్‌లో 76 (42) తన అత్యుత్తమ నాక్ ఆడాడు. అలా ఈ ఇద్దరు ఆటగాళ్లు ఈ సీజన్ లో అత్యుత్తమ ప్రదర్శన కనబర్చి ఫైనల్ మ్యాచ్ లో కీలక పాత్ర పోషిస్తున్నారు. మరి ఈ ఇద్దరిలో ఎవరు బెస్ట్ నాక్ ఆడి ట్రోఫితో బర్త్ డే ని మరింత స్పెషల్ గా సెలెబ్రేట్ చేసుకుంటారో చూడాలి.