Sunil Chhetri Retirement : అంతర్జాతీయ కెరీర్‌కు కన్నీటి వీడ్కోలు పలికిన సునీల్ ఛెత్రి 

International Career : కోల్‌కతా (Kolkata) లోని సాల్ట్ లేక్ స్టేడియం గురువారం (జూన్ 6)40 ఏళ్ల చరిత్రలో అతిపెద్ద ఫుట్‌బాల్ మ్యాచ్‌ (Football Match) కు సాక్షిగా నిలిచింది . భారత దిగ్గజ ఫుట్‌బాల్ ఆటగాడు సునీల్ ఛెత్రీ తన అంతర్జాతీయ కెరీర్‌లో ఈరోజు 1 లక్షా 10 వేల మంది ప్రేక్షకుల సామర్థ్యం ఉన్న ఈ స్టేడియంలో చివరి మ్యాచ్ ఆడాడు. కువైట్‌తో జరిగిన మ్యాచ్ తర్వాత 39 ఏళ్ల ఛెత్రీ తన 19 ఏళ్ల అంతర్జాతీయ కెరీర్‌కు ముగింపు పలికాడు.  కువైట్ తో జరిగిన మ్యాచ్ ముగియడంతో భారత ఫుట్ బాల్ కు తన ఆటతో ఆనందాన్ని పంచిన ఈ ఫుట్ బాల్ ప్లేయర్ అంతర్జాతీయ కెరీర్ కూడా ముగిసింది.

డ్రాగా ముగిసిన మ్యాచ్..
Sunil Chhetri Retirement : భారత జట్టు కెప్టెన్ సునీల్ ఛెత్రీ చివరి అంతర్జాతీయ మ్యాచ్ కోసం కోల్‌కతాలోని సాల్ట్ లేక్ స్టేడియం పూర్తిగా నిండిపోయింది.  అతను కొద్దిరోజుల క్రితం తన రిటైర్మెంట్ ప్రకటన చేస్తూ ఒక వీడియో విడుదల చేశాడు.   టీమిండియా మ్యాచ్‌ను చూడటానికి అభిమానులను స్టేడియంకు రావాలని అభ్యర్థించాడు. ఈ మ్యాచ్ లో ఛెత్రీ ప్రతి టచ్, పాస్, షాట్ లకు అభిమానుల నుండి ఆనందోత్సాహాలతో ఎదురయ్యాయి. అలాగే, టీమ్ ఇండియా గోల్ చేయడానికి చేసిన ప్రతి ప్రయత్నానికి నిరంతరం ప్రోత్సాహం లభించింది.

దాదాపు 100 నిమిషాల పాటు జరిగిన ఈ మ్యాచ్‌లో దురదృష్టవశాత్తు టీమ్ ఇండియా ఒక్క గోల్ కూడా చేయలేకపోయింది. ఎన్నోసార్లు గోల్స్ చేసి జట్టును ఆదుకున్న కెప్టెన్ ఛెత్రీ.. ఈసారి మాత్రం రాణించలేకపోయాడు. చివరికి మ్యాచ్ 0-0తో డ్రాగా ముగిసింది. మ్యాచ్ రిఫరీ ఫైనల్ విజిల్ మోగిన వెంటనే ఛెత్రీ సహా భారత ఆటగాళ్లంతా నిరాశకు గురయ్యారు.

Also Read:క్రిస్ గేల్ రికార్డు బద్దలు కొట్టిన ఆస్ట్రేలియా బ్యాట్స్ మెన్!

అందరి కళ్లలోనూ కన్నీళ్లు..
అటు కువైట్ కూడా ఒక్క గోల్ చేయలేకపోవడంతో మ్యాచ్ డ్రాగా ముగిసింది. అయితే ఆ తర్వాత జరిగిన దృశ్యం అందరినీ కంటతడి పెట్టించింది. స్టేడియంలోని ప్రతి భారతీయ అభిమాని భావోద్వేగానికి గురయ్యాడు. ఛెత్రీ కూడా తన కన్నీళ్లను నియంత్రించుకుని ఆటగాళ్లందరినీ కౌగిలించుకుని, కరచాలనం చేస్తూ అభినందనలు తెలిపాడు. ఆ తర్వాత మైదానం చుట్టూ తిరుగుతూ తన కెరీర్‌లో చివరి ప్రయాణంలో తనతో పాటు ఉన్నందుకు అభిమానులందరికీ కృతజ్ఞతలు తెలిపాడు. ఈ సమయంలో పలువురు అభిమానుల కళ్లలో నీళ్లు తిరిగాయి.

A very emotional moment for Sunil Chhetri. He couldn't hold his tears as the team members give him guard of honor. pic.twitter.com/wt2qjuDs9A

— Himanshu Pareek (@Sports_Himanshu) June 6, 2024

దిగ్గజ ఆటగాడికి ఘనమైన వీడ్కోలు..
దీని తరువాత, దాదాపు 19 సంవత్సరాలు జాతీయ జట్టు కోసం ఆడిన 39 ఏళ్ల ఛెత్రీని ఆల్ ఇండియా ఫుట్‌బాల్ ఫెడరేషన్, ఈస్ట్ బెంగాల్, మోహన్ బగాన్ వంటి ప్రసిద్ధ ఫుట్‌బాల్ క్లబ్‌లు కూడా సత్కరించాయి. కోల్‌కతాలోని ఈ రెండు ప్రసిద్ధ క్లబ్‌లతో ఛెత్రి తన సుదీర్ఘ కెరీర్‌లో చాలా సంవత్సరాలు గడిపాడు. గత 12 ఏళ్లుగా భారత జట్టుకు కెప్టెన్‌గా కొనసాగుతున్న ఛెత్రీ.. దేశం తరఫున 151 మ్యాచ్‌లు ఆడి 94 గోల్స్ చేసి రికార్డు సృష్టించాడు.