Janaka Ayite Ganaka Movie : సుహాస్ 'జనక అయితే గనక' రిలీజ్ డేట్ ఫిక్స్.. ఎప్పుడంటే?

Janaka Ayite Ganaka Movie : యంగ్ హీరో సుహాస్ ప్రస్తుతం వరుస విజయాలతో దూసుకెళ్తున్నాడు. ప్రేక్షకులు మెచ్చే కథలు, కాన్సెప్ట్స్ తో హీరోగా తన టాలెంట్ ను ప్రూవ్ చేసుకుంటున్నాడు ఈ యువ హీరో. రీసెంట్ గా 'అంబాజీ పేట మ్యారేజ్ బ్యాండ్' సినిమాతో బాక్స్ ఆఫీస్ వద్ద సూపర్ హిట్ అందుకున్నాడు. ఇక త్వరలోనే 'జనక అయితే గనక' సినిమాతో ప్రేక్షకుల ముందుకు రాబోతున్నాడు.

కంప్లీట్ ఫ్యామిలీ ఎంటర్టైనర్ గా తెరకెక్కిన ఈ సినిమాలో ఇక ఈ సినిమాలో సంగీర్తన హీరోయిన్‌గా నటించగా సందీప్ రెడ్డి బండ్ల డైరెక్ట్ చేశారు. విజయ్ బుల్గనిన్ సంగీతం అందించిన ఈ సినిమాలో రాజేంద్ర ప్రసాద్, మురళీ శర్మ, వెన్నెల కిషోర్ తదితరులు ఇతర ముఖ్య పాత్రల్లో నటించారు. రీసెంట్ గా ఈ మూవీ నుంచి టీజర్ రిలీజై ఆడియన్స్ ను ఆకట్టుకుంది. ఇటీవలే షూటింగ్ పూర్తి చేసుకుని రిలీజ్ కి రెడీ అయింది.

Also Read : రామ్ చరణ్ కు రాఖీ కట్టిన నిహారిక.. వైరల్ అవుతున్న క్యూట్ వీడియో

నేడు సుహాస్ బర్త్ డే కావడంతో మేకర్స్ చిత్ర రిలీజ్ డేట్ ను అఫీషియల్ గా అనౌన్స్ చేశారు. ఈ చిత్రాన్ని సెప్టెంబర్ 7న రిలీజ్ చేయబోతున్నట్లు చిత్ర యూనిట్ తాజాగా ఓ పోస్టర్‌తో అనౌన్స్ చేశారు. సరిగ్గా ఇదే రోజున రాజ్ తరుణ్ కొత్త మూవీ 'భలే ఉన్నాడే' రిలీజ్ కాబోతుంది. ఈ రెండు సినిమాలతో పాటూ ఆ డేట్ కి ఇంకెన్ని సినిమాలు వస్తాయో చూడాలి.