Health Tips: ఈ వేసవిలో జలుబు, దగ్గుతో బాధపడుతున్నారా? ఈ చిట్కాలు మీ కోసమే!

Health Tips: వేసవి కాలంలో బలహీనమైన రోగనిరోధక శక్తి ఉన్న వ్యక్తులు తరచుగా జలుబుకు గురవుతారు. అధిక వేడి కారణంగా కొందరూ విపరీతమైన చెమటలు, డీహైడ్రేషన్‌కు గురవుతారు. పసుపులో యాంటీ ఇన్‌ఫ్లమేటరీ, యాంటీ బ్యాక్టీరియల్ లక్షణాలు పుష్కలంగా ఉన్నాయి. ఇవి జలుబు, దగ్గును నయం చేస్తాయి. ప్రతిరోజూ రాత్రి పడుకునే ముందు ఒక గ్లాసు గోరువెచ్చని పాలలో పసుపు కలిపి తాగాలని నిపుణులు చెబుతున్నారు. వేసవిలో జలుబు, దగ్గు తగ్గాలంటే ఏం చేయాలో ఇప్పుడు కొన్ని విషయాలు తెలుసుకుందాం.

వేసవిలో జలుబు, దగ్గు తగ్గే చిట్కాలు:

• జలుబు, దగ్గుకు కూడా అల్లం దివ్యౌషధం. ఇది గొంతు నొప్పి, దగ్గు నుంచి ఉపశమనం కలిగించే యాంటీ ఇన్ఫ్లమేటరీ, యాంటీవైరల్ లక్షణాలను కూడా కలిగి ఉంది. ఒక కప్పు వేడి నీటిని తీసుకుని అందులో అల్లం ముక్క వేసి మరిగించి ఈ నీటిని తాగాలి.
• తులసి జలుబు, దగ్గు విషయంలో చాలా ఉపయోగకరంగా పని చేస్తుంది. ఇందులో సహజ యాంటీబయాటిక్స్ ఉంటాయి. ఇది జలుబు, దగ్గును నయం చేయడంలో సహాయపడే యాంటీ ఇన్ఫ్లమేటరీ, యాంటీవైరల్, యాంటీ బాక్టీరియల్ లక్షణాలను కూడా కలిగి ఉంది. వేసవిలో జలుబు, దగ్గు విషయంలో తులసి ఆకులను నమలవచ్చు.
• వేడి నీటిని తాగడం వల్ల శరీరం పూర్తిగా హైడ్రేట్‌గా ఉంటుంది. దీని కారణంగా.. శ్లేష్మం కూడా బయటకు వస్తుంది. జలుబు, దగ్గు సమస్యను నయం చేయాలనుకుంటే గోరువెచ్చని నీటిని తాగలని వైద్యులు సూచిస్తున్నారు.
• శరీరాన్ని హైడ్రేట్‌గా ఉంచడంలో సూప్ బాగా పని చేస్తుంది. అదనంగా.. ఇది గొంతు నొప్పిని కూడా నయం చేస్తుంది. జలుబు సమస్య ఉంటే చికెన్, కూరగాయలు, లెంటిల్ సూప్ తాగితే మంచి ఫలితం ఉంటుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: సోంపు తినడానికే కాదు ముఖానికి కూడా మేలు.. ఇలా వాడి చూడండి