స్టాక్ మార్కెట్ అప్డేట్స్.. నేటి టాప్ గెయినర్లు ఇవే!

అమెరికా సెంట్రల్ బ్యాంక్ ఫెడరల్ రిజర్వ్ త్వరలో వడ్డీరేట్లను తగ్గించనుందన్న అంచనాల మధ్య సోమవారం స్థానిక స్టాక్ మార్కెట్లలో గణనీయమైన పెరుగుదల నమోదైంది. బెంచ్‌మార్క్ ఇండెక్స్ సెన్సెక్స్ 612 పాయింట్లు ఎగబాకగా, నిఫ్టీ 25,000 పాయింట్ల పైన ముగిసింది.

బీఎస్ఈ 30 షేర్ల సూచీ సెన్సెక్స్ 611.90 పాయింట్లు.. 0.75 శాతం పెరిగి 81,698.11 పాయింట్ల వద్ద ముగిసింది. ట్రేడింగ్‌ ఒక్కసారిగా 738.06 పాయింట్లు పెరిగి 81,824.27 పాయింట్లకు చేరుకుంది. నిఫ్టీ 187.45 పాయింట్లు లేదా 0.76 శాతం లాభంతో 25010.60 వద్ద ముగిసింది.

నిఫ్టీలో హిందాల్కో, ఎన్‌టీపీసీ, హెచ్‌సీఎల్ టెక్నాలజీస్, బజాజ్ ఫిన్‌సర్వ్, ఓఎన్‌జీసీ టాప్ గెయినర్లుగా నిలిచాయి. అపోలో హాస్పిటల్స్, హీరో మోటోకార్ప్, అదానీ పోర్ట్స్, ఐషర్ మోటార్స్, నెస్లే ఇండియా టాప్ లూజర్లుగా నిలిచాయి.