Sensex Today: ఆల్ టైమ్ హైలో ముగిసిన స్టాక్ మార్కెట్లు.. రియాల్టీ షేర్ల హవా.. 

Sensex Today: స్టాక్ మార్కెట్ మళ్లీ ఈరోజు అంటే సోమవారం (డిసెంబర్ 11) సరికొత్త ఆల్ టైమ్ హైని నమోదు చేసింది. ట్రేడింగ్ సమయంలో సెన్సెక్స్ తొలిసారిగా 70 వేలు దాటి 70,057 స్థాయిని తాకింది. నిఫ్టీ కూడా 21,026 స్థాయిని తాకింది. దీని తర్వాత సెన్సెక్స్ 102 పాయింట్లు ఎగబాకి 69,928 వద్ద ముగిసింది. నిఫ్టీ కూడా 27 పాయింట్లు పెరిగి 20,997 వద్ద ముగిసింది. సెన్సెక్స్‌లోని 30 షేర్లలో 18 లాభపడగా, 12 క్షీణించాయి. ప్రభుత్వ రంగ బ్యాంకులు, రియల్టీ షేర్లు ఈరోజు అత్యధికంగా పెరిగాయి. అయితే హెల్త్‌కేర్ సంబంధిత స్టాక్‌లు ఈరోజు అతిపెద్ద క్షీణతను చవిచూశాయి.

స్పైస్‌జెట్ షేర్ల లాభాలు.. 

స్పైస్‌జెట్ షేర్లు(Sensex Today) రూ.5.63 (10.24%) పెరిగి రూ.60.60 వద్ద ముగిశాయి. కంపెనీ ఎన్‌ఎస్‌ఈలో లిస్టింగ్‌ను ప్రకటించింది. దీంతోపాటు నిధుల సమీకరణ కోసం బోర్డు సమావేశం కూడా జరగనుంది. ఈ కారణాల వల్ల దాని షేర్లు పెరిగాయి.

InoxCVA - IPO డిసెంబర్ 14న.. 

Sensex Today: InoxCVA ప్రారంభ పబ్లిక్ ఆఫర్ (IPO) డిసెంబర్ 14న సబ్‌స్క్రిప్షన్ కోసం ఓపెన్ అవుతుంది. దీని కోసం డిసెంబర్ 18 వరకు బిడ్లు దాఖలు చేయవచ్చు. దీని ప్రైస్ బ్యాండ్ రూ. 627-660గా నిర్ణయించారు.  లాట్ పరిమాణం 22 షేర్లు. కంపెనీ షేర్లు గురువారం, డిసెంబర్ 21న BSE - NSE రెండింటిలోనూ లిస్ట్ అవుతాయి. IPO ద్వారా 22,110,955 షేర్లను ఆఫర్ చేయడం ద్వారా కంపెనీ రూ.1,459.32 కోట్లు సమీకరించాలనుకుంటోంది. డిసెంబర్ 13న యాంకర్ ఇన్వెస్టర్ల కోసం ఒకరోజు ముందుగానే IPO ఓపెన్ చేస్తారు. 

ఐనాక్స్ ఇండియా, 1976లో స్టార్ట్ అయింది. ఇది  క్రయోజెనిక్ పరికరాల సరఫరాదారుగా ఉంది.  డిజైన్, ఇంజనీరింగ్, తయారీ - ఇన్‌స్టాలేషన్‌తో సహా క్రయోజెనిక్ పరిస్థితులలో పనిచేసే పరికరాలు, సిస్టమ్‌ల కోసం కంపెనీ ఎండ్-టు-ఎండ్ సొల్యూషన్‌లను అందిస్తుంది.

1990లో బీఎస్ఈ సెన్సెక్స్ తొలిసారిగా 1000 స్థాయి.. 

జూలై 25, 1990న బీఎస్ఈ సెన్సెక్స్(Sensex Today) తొలిసారిగా 1000 స్థాయిని తాకింది. 1000 నుంచి  10 వేలకు చేరుకోవడానికి దాదాపు 16 సంవత్సరాలు పట్టింది (6 ఫిబ్రవరి 2006). కానీ 10 వేల నుంచి 70 వేల వరకు ప్రయాణం కేవలం 17 ఏళ్లలోనే పూర్తయింది.

Also Read: అదే దూకుడు.. ఆల్ టైం హై లో స్టాక్ మార్కెట్.. 

గ్లోబల్ మార్కెట్లు బలంగా.. 

అమెరికా మార్కెట్లు లాభాల్లోనే ఉన్నాయి. S&P 500 0.41% పెరిగి 4,604.37కి చేరుకుంది. నాస్‌డాక్ కూడా 0.45% పెరిగి 14,403.97 పాయింట్లకు చేరుకుంది. డౌ జోన్స్ ఇండస్ట్రియల్ యావరేజ్ 0.36% పెరిగి 36,247.87కి చేరుకుంది. ఆసియా మార్కెట్లు కూడా బుల్లిష్‌గా ఉన్నాయి.

గత వీకెండ్ లో బుల్లిష్..

అంతకుముందు శుక్రవారం (డిసెంబర్ 8) సెన్సెక్స్ 303.91 పాయింట్లు పెరిగి 69,825.60 స్థాయి వద్ద ముగిసింది. నిఫ్టీ కూడా 68.25 పాయింట్లు పెరిగి 20,969.40 వద్ద ముగిసింది. సెన్సెక్స్‌లోని 30 షేర్లలో 19 వృద్ధి చెందగా, 11 క్షీణించాయి.

Watch this interesting Video: