Cricket in Olympics: వందేళ్ల క్రితం ఒలింపిక్స్ లో క్రికెట్.. మెడల్ కొట్టింది ఈ దేశమే!

Cricket in Olympics: పారిస్ ఒలింపిక్స్ 2024 ప్రారంభమైంది, ఇందులో చైనా శనివారం 10 మీటర్ల ఎయిర్ రైఫిల్‌లో మొదటి బంగారు పతకాన్ని గెలుచుకుంది. కొరియా ఆటగాళ్లను ఓడించి చైనా ఆటగాళ్లు పతకాన్ని కైవసం చేసుకున్నారు. అదే సమయంలో, 10 మీటర్ల ఎయిర్ రైఫిల్ మిక్స్‌డ్ టీమ్ ఈవెంట్‌లో కజకిస్తాన్ కాంస్య పతకాన్ని గెలుచుకుంది. ఈసారి ఒలింపిక్స్‌లో మొత్తం 32 క్రీడాంశాలు ఉండబోతున్నాయి.  అందులో షూటింగ్, హాకీ సహా అనేక క్రీడలు ఉన్నాయి.  కానీ, క్రికెట్‌ను చేర్చలేదు, అయితే ఒలింపిక్స్‌లో గతంలో ఒకసారి క్రికెట్‌ కూడా ఉంది తెలుసా? ఆ  ఒలింపిక్స్‌లో ఏ దేశం క్రికెట్‌లో బంగారు పతకాన్ని గెలుచుకుందో తెలుసుకుందాం?

భారతదేశంలో క్రికెట్ అంటే పడి చచ్చిపోయే అభిమానులు చాలామంది ఉన్నారు.  ఇది కాకుండా, ఇంగ్లాండ్, ఆస్ట్రేలియా, పాకిస్తాన్, న్యూజిలాండ్, దక్షిణాఫ్రికా వంటి దేశాలలో కూడా క్రికెట్ బాగా ఆడతారు.  ఇప్పుడు నేపాల్, అమెరికా కూడా ఈ ఆటలో చేరాయి, అయితే ఈ ఆట ఒలింపిక్స్‌లో చేర్చలేదు. అయితే వచ్చే ఒలింపిక్స్‌లో క్రికెట్‌ను కూడా ఒక క్రీడగా చేర్చే అవకాశం ఉందని భావిస్తున్నారు.

Also Read:  ద్రావిడ్ సర్‌ప్రైజ్‌కు కన్నీళ్లు పెట్టుకున్న గంభీర్‌.. వీడియో వైరల్!

124 ఏళ్ల క్రితం ఒలింపిక్స్‌లో క్రికెట్ ఆడారు

క్రికెట్‌ను ఒలింపిక్స్‌లో ఒక్కసారి మాత్రమే చేర్చారని తెలిస్తే మీరు ఆశ్చర్యపోతారు. అది జరిగి నేటికి 124 సంవత్సరాలు. మొదటి ఒలింపిక్స్ 1896లో ఏథెన్స్‌లో జరిగాయి, ఆ తర్వాత 1900లో పారిస్‌లో రెండో ఒలింపిక్స్‌ను నిర్వహించారు. అప్పుడే క్రికెట్‌ను తొలిసారిగా అందులో చేర్చారు. బ్రిటన్, ఫ్రాన్స్, నెదర్లాండ్స్ - బెల్జియం తమ తమ క్రికెట్ జట్లను ఒలింపిక్స్‌కు పంపడానికి అంగీకరించినప్పటికీ, తరువాత నెదర్లాండ్స్- బెల్జియంలు తమకు ఒలింపిక్స్‌కు ఆతిథ్యం ఇవ్వనందున ఆగ్రహం చెందాయి.  ఈ కారణంగా వారు తమ జట్టును రద్దు చేశారు అక్కడికి పంపలేదు.

బ్రిటన్, ఫ్రాన్స్ మధ్య పోటీ నెలకొంది

Cricket in Olympics: తరువాత, బ్రిటన్ - ఫ్రాన్స్ మధ్య ఒలింపిక్స్‌లో క్రికెట్ ఏకైక చివరి మ్యాచ్ జరిగింది. ఈ మ్యాచ్ పారిస్‌లోని వెలోడ్రోమ్ డి విన్సెన్స్ అనే సైక్లింగ్ స్టేడియంలో జరిగింది, ఇందులో బ్రిటన్ గెలిచి బంగారు పతకాన్ని కైవసం చేసుకుంది. ఈ మ్యాచ్ ఏకపక్షంగా జరిగింది.  ఫ్రాన్స్ ప్రత్యేక ప్రదర్శన ఏమీ చేయలేదు, కానీ ఈ గేమ్‌లో కేవలం రెండు జట్లు మాత్రమే పాల్గొన్నందున, ఫ్రాన్స్ ఓడిపోయిన తర్వాత కూడా రజత పతకాన్ని అందుకుంది.

ఆటగాళ్ల ప్రదర్శన ఎలా ఉంది?

Cricket in Olympics: బ్రిటన్ - ఫ్రాన్స్ నుండి 12 మంది క్రీడాకారులు ఒలింపిక్ క్రికెట్‌లో పాల్గొన్నారు. ఇది రెండు రోజుల పాటు జరిగిన టెస్ట్ మ్యాచ్. తొలుత బ్యాటింగ్ చేసిన బ్రిటన్ తొలి ఇన్నింగ్స్‌లో మొత్తం 117 పరుగులు చేయగా, ప్రతిస్పందనగా ఫ్రెంచ్ జట్టు 78 పరుగులు మాత్రమే చేయగలిగింది. ఆ తర్వాత రెండో ఇన్నింగ్స్‌లో బ్రిటన్ 5 వికెట్ల నష్టానికి 145 పరుగులు చేసినప్పటికీ.. మళ్లీ ఆడుతున్న ఫ్రాన్స్ జట్టు కేవలం 26 పరుగులకే కుప్పకూలింది. అలాంటి పరిస్థితుల్లో ఈ మ్యాచ్‌లో బ్రిటన్ 158 పరుగుల తేడాతో విజయం సాధించింది.

2028లో జరిగే ఒలింపిక్స్‌లో మళ్ళీ క్రికెట్.. 

ఒలింపిక్స్‌లో క్రికెట్‌ను మరోసారి క్రీడగా చేర్చనున్నారు. 2028లో అమెరికాలోని లాస్ ఏంజెల్స్‌లో జరగనున్న ఒలింపిక్స్‌లో క్రికెట్ ఆడే ఆటగాళ్లను కూడా మీరు చూడగలరు. అయితే, తదుపరి ఒలింపిక్స్‌లో మ్యాచ్‌ను టెస్టు లేదా వన్డేలో కాకుండా టీ-20 ఫార్మాట్‌లో నిర్వహించనున్నారు.