Small Savings Interest Rates : ఆ సేవింగ్స్ స్కీమ్స్ పై వడ్డీరేట్లు పెరిగాయి.. పీపీఎఫ్ నిరాశ మిగిల్చింది 

Sukanya Samriddi Yojana : మీరు మీ కుమార్తె కోసం సుకన్య సమృద్ధి యోజన(Sukanya Samriddi Yojana) లో పెట్టుబడి పెట్టారా? అయితే,  మీకు ఓ శుభవార్త ఉంది. జనవరి-మార్చి 2024 త్రైమాసికానికి రెండు ప్రధాన చిన్న పొదుపు పథకాలకు ప్రభుత్వం కొత్త వడ్డీ రేట్లను ప్రకటించింది. సుకన్య సమృద్ధి యోజన పెట్టుబడిదారులకు అతిపెద్ద ఉపశమనం లభించింది. సుకన్య యోజనపై ప్రభుత్వం వడ్డీ రేటును 0.20 శాతం పెంచింది.

ఇది కాకుండా, పోస్టాఫీసు 3 సంవత్సరాల ఫిక్స్‌డ్ డిపాజిట్ పథకంలో(Small Savings Interest Rates) డబ్బును పెట్టుబడి పెట్టడం కూడా ప్రయోజనకరంగా మారింది. దీనిపై  కూడా ప్రభుత్వం 0.10 శాతం పెంచింది. అయితే పీపీఎఫ్‌లో ఇన్వెస్ట్ చేసిన వారికి నిరాశే ఎదురైంది. ఏప్రిల్ 2020 నుంచి  PPF వడ్డీ రేట్లలో ఎటువంటి మార్పు లేదు. PPF వడ్డీ రేటు 7.1% వద్ద కొనసాగుతుంది. తాజాగా పొదుపు పథకాలపై తాజా వడ్డీ రేట్ల గురించి ఆర్థిక మంత్రిత్వ శాఖ సమాచారం ఇచ్చింది. దీని కింద, 2023-24 ఆర్థిక సంవత్సరం నాలుగో త్రైమాసికానికి సుకన్య సమృద్ధి యోజనపై వడ్డీ రేటు 8 శాతం నుంచి 8.2 శాతానికి పెరిగింది. అదే సమయంలో, 3 సంవత్సరాల FD పై(Small Savings Interest Rates) వడ్డీ రేటు 7 శాతం నుండి 7.1 శాతానికి పెరిగింది. ఇది కాకుండా, PPF పెట్టుబడిదారులు వచ్చే త్రైమాసికంలో కూడా 7.1 శాతం వడ్డీని పొందుతారు.

Also Read: దివ్యాంగులకు రైలు ప్రయాణం మరింత సౌకర్యవంతంగా .. 

జనవరి నుంచి మార్చి త్రైమాసికానికి ఆర్థిక మంత్రిత్వ శాఖ ఈ వడ్డీ రేట్ల(Small Savings Interest Rates)ను నిర్ణయించడం గమనార్హం. కొత్త వడ్డీ రేట్లు ఏప్రిల్ 2024 నుంచి ప్రకటిస్తారు. ప్రస్తుత పరిస్థితిని పరిగణనలోకి తీసుకుంటే, పోస్టాఫీసు చిన్న పొదుపు పథకాలలో పెట్టుబడి పెట్టడానికి ఇది మంచి అవకాశం. పోస్టాఫీసు మాదిరిగానే బ్యాంకులు కూడా కొత్త సంవత్సరం నుంచి వడ్డీరేట్లను పెంచుతున్నట్లు ప్రకటించాయి. దేశంలోని అతిపెద్ద బ్యాంకులు SBI, యూనియన్ బ్యాంక్ ఆఫ్ ఇండియా బ్యాంక్ ఆఫ్ బరోడా FD వడ్డీ రేట్లను 1.25 శాతం వరకు పెంచాయి. ఇది కాకుండా, చాలా ప్రైవేట్ బ్యాంకులు కూడా వడ్డీ రేట్లను పెంచాయి ఇది కాకుండా, మరికొన్ని బ్యాంకులు కూడా కొత్త సంవత్సరంలో వడ్డీ రేట్లను పెంచే అవకాశం ఉంది.

వడ్డీ రేట్లు ఎలా నిర్ణయిస్తారు?

ప్రభుత్వం త్రైమాసిక ప్రాతిపదికన చిన్న పొదుపు పథకాల వడ్డీ రేట్ల(Small Savings Interest rates)ను క్రమం తప్పకుండా అంచనా వేస్తుంది. చిన్న పొదుపు పథకాలపై వడ్డీ రేట్లు 10 సంవత్సరాల ప్రభుత్వ బాండ్ల రాబడిపై ఆధారపడి ఉంటాయి. ఈ రేట్లను నిర్ణయించే పద్ధతిని శ్యామలా గోపీనాథ్ కమిటీ ప్రతిపాదించింది. కమిటీ సిఫార్సుల ప్రకారం, వివిధ పథకాలకు సంబంధించిన వడ్డీ రేట్లు సంబంధిత మెచ్యూరిటీకి సంబంధించిన ప్రభుత్వ బాండ్ల రాబడి కంటే 25 నుండి 100 బేసిస్ పాయింట్లు ఎక్కువగా ఉండాలి. 2016లో ఆర్థిక మంత్రిత్వ శాఖ నోటిఫై చేసిన ఫార్ములా ప్రకారం, ఇచ్చిన త్రైమాసికంలో PPF వడ్డీ రేటు మునుపటి మూడు నెలల బెంచ్‌మార్క్ రాబడి కంటే 25 బేసిస్ పాయింట్లు ఎక్కువగా ఉంటుంది.

Watch this interesting Video :