IPL: లక్నో జట్టుకు భారీ ఎదురు దెబ్బ!

ఇండియన్ ప్రీమియర్ లీగ్ లో 156.7 కిమీ వేగంతో ఫాస్ట్ బాల్ వేసి సంచలనం సృష్టించిన యువ ఫాస్ట్ బౌలర్ మయాంక్ యాదవ్ గాయపడ్డాడు. లక్నో సూపర్ జెయింట్స్‌కి చెందిన ఈ ఫాస్ట్ బౌలర్ పొత్తికడుపు కండరాల ఒత్తిడి కారణంగా ఏప్రిల్ 12,14 న జరిగే తర్వాత మ్యాచ్ లకు అందుబాటులో ఉండకపోవచ్చని లక్నో జట్టు ప్రకటించింది.లక్నో జట్టు ఇప్పటి వరకు ఆడిన నాలుగు మ్యాచ్ లలో మూడు విజయాలు నమోదు చేసింది.

మయాంక్  వారం రోజుల పాటు వైద్యుల పర్యవేక్షణలో ఉంటారని లక్నో మేనేజ్ మెంట్ తెలిపింది. ఆదివారం రాత్రి  గుజరాత్ టైటాన్స్‌పై  లక్నో జట్టు 33 పరుగుల తేడాతో విజయం సాధించింది. ఆ మ్యాచ్ లో నాలుగో ఓవర్ వేస్తున్నప్పుడు గాయపడ్డాడు. "మయాంక్ పొత్తికడుపులో నొప్పిగా అనిపించింగని చెప్పటంతో ముందుజాగ్రత్తగా, మేము అతనికి పనిభారాన్నితగ్గించామని లక్నో జట్టు తెలిపింది.