హైదరాబాద్‌లో హెరాయిన్ పట్టివేత

మత్తు పదార్థాలు  స్వాధీనం

హైదారబాద్‌లో పలు ప్రాంతాల్లో పోలీసుల తనిఖీలు చేశారు. అక్రమంగా తరలిస్తున్న మత్తు పదార్థాలను అధికారుల స్వాధీనం చేసుకున్నారు. సిటీలో ఓ ప్రైవేట్‌ ఉద్యోగ చేస్తూ మత్తు పదార్థాలను విక్రయిస్తున్నాడు ఓ వ్యక్తి. ఈనెల 21న టోలిచౌకీ ప్రాంతంలో మాదకద్రవ్యాలు తెచ్చి అమ్ముతున్నట్టు సమాచారం అందుకున్న పోలీసులు ఆ ప్రాంతాలను క్షుణ్ణంగా తనిఖీ చేసి అతడి వద్ద ఉన్న 8.56 గ్రాములు హెరాయిన్ స్వాధీనం చేసుకున్నారు.

ముంబై నుంచి హెరాయిన్

అయితే.. అవసరం ఉన్న వారికి హెరాయిన్ విక్రయించేందుకు తెచ్చిన మత్తు పదార్థాలను ఎక్సైజ్ పోలీసులు ఫిలింనగర్‌లో పట్టుకున్నారు. ఓ వ్యక్తి హెరాయిన్ తీసుకుని వచ్చి నగరంలో విక్రయిస్తున్నాడనే సమాచారం రావడంతో శంషాబాద్ సిఐలు వెంకట్‌రెడ్డి, శ్రీనివాస్ ఆధ్వర్యంలో టాస్క్‌ఫోర్స్ సిబ్బంది టోలిచౌకికి చెందిన మహ్మద్ ఇర్ఫాన్ ఇంట్లో సోదాలు నిర్వహించారు. ఈ సోదాల్లో హెరాయిన్ లభించింది. నిందితుడు ముంబై నుంచి హెరాయిన్ తీసుకుని వచ్చాడని విచారణలో తేలిందని ఎక్సైజ్ సూపరింటెండెంట్ సత్యనారాయణ తెలిపారు. నిందితుడిని అరెస్టు చేసి రిమాండ్‌కు తరలించామని తెలిపారు.