/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/03/FotoJet-59-1-jpg.webp)
Sehwag : ఒకప్పుడు ఆస్ట్రేలియా క్రికెట్ జట్టు(Australia Cricket Team) ఆడే విధ్వంసకర బ్యాటింగ్ చూసి ఆయా జట్ల బౌలర్లు బయపడేవారు. కాని క్రికెట్ లోకి అరంగేట్రం చేసిన సెహ్వాగ్ ను చూసి ఆస్ట్రేలియా ఆటగాళ్లే బయపడ్డారు. ఇది ప్రత్యేకమైన రోజు డేరింగ్ డాషింగ్ ఓపెనర్ సెహ్వాగ్(Virender Sehwag) ట్రిపుల్ సెంచరీ చేసిన రోజు. అది కూడా స్వదేశంలో కాదు చిరకాల ప్రత్యర్థి పాకిస్థాన్ పై బాదాడు.
20 ఏళ్ల క్రితం ముల్తాన్ క్రికెట్ స్టేడియం(Multan Cricket Stadium) వేదికగా జరిగిన ఈ టెస్టు మ్యాచ్‌..సౌరవ్ గంగూలీ గైర్హాజరీలో రాహుల్ ద్రవిడ్ టీమ్ ఇండియాకు నాయకత్వం వహిస్తున్నాడు. వీరూ చేసిన ఈ చారిత్రాత్మక ఇన్నింగ్స్ అతన్ని 'ముల్తాన్ సుల్తాన్'(Multan Sultan) గా మార్చింది. సెహ్వాగ్ తన ట్రిపుల్ సెంచరీని పూర్తి చేయడానికి పాకిస్థాన్ ప్రధాన స్పిన్నర్ సక్లైన్ ముస్తాక్‌ను కొట్టిన చారిత్రాత్మక సిక్స్‌ను క్రికెట్ ప్రేమికులు ఇప్పటికీ గుర్తుంచుకుంటారు.
మూడు టెస్టుల సిరీస్‌లో భాగంగా తొలి మ్యాచ్‌లో సౌరవ్ గంగూలీ స్థానంలో రాహుల్ ద్రవిడ్ కెప్టెన్సీ బాధ్యతలు చేపట్టాడు. టాస్ గెలిచిన ద్రవిడ్ ముందుగా బ్యాటింగ్ ఎంచుకున్నాడు. తొలి రోజు భారత్ 2 వికెట్ల నష్టానికి 356 పరుగులు చేసింది. తొలి రోజు ఆట ముగిసే సమయానికి వీరేంద్ర సెహ్వాగ్ అజేయంగా 228 పరుగులు చేసి పెవిలియన్‌కు చేరుకున్నాడు. రెండో రోజు సెహ్వాగ్ నుంచి ట్రిపుల్ సెంచరీ ఉంటుందని అందరూ ఆశించగా వీరూ ఎవరినీ నిరాశపరచలేదు. అద్భుత ట్రిపుల్ సెంచరీ సాధించి చరిత్రలో తన పేరును నమోదు చేసుకున్నాడు.
Also Read : హనుమ విహారికి షోకాజ్ నోటీసులిచ్చిన ఆంధ్రా క్రికెట్!
వీరూ సిక్సర్ కొట్టి ట్రిపుల్ సెంచరీ పూర్తి చేసుకోగా..
వీరేంద్ర సెహ్వాగ్ తనదైన శైలిలో ట్రిపుల్ సెంచరీ పూర్తి చేశాడు. సక్లైన్ ముస్తాక్ బౌలింగ్‌లో భారీ సిక్సర్ కొట్టి ట్రిపుల్ సెంచరీ పూర్తి చేశాడు. అతను 295 పరుగులతో బ్యాటింగ్ చేస్తున్నప్పుడు, అతను ఒక సిక్స్ కొట్టి చారిత్రాత్మక ట్రిపుల్ సెంచరీని సాధించాడు. దీంతో స్వదేశంలో పాకిస్థాన్‌పై అత్యధిక స్కోరు చేసిన భారత ఆటగాడిగా కూడా నిలిచాడు.
సంజయ్ మంజ్రేకర్ రికార్డును సెహ్వాగ్ బద్దలు కొట్టాడు
ఈ క్రమంలో 1989లో లాహోర్ టెస్టు మ్యాచ్‌లో 218 పరుగుల ఇన్నింగ్స్ ఆడిన సంజయ్ మంజ్రేకర్ రికార్డును వీరేంద్ర సెహ్వాగ్ బద్దలు కొట్టాడు. సెహ్వాగ్ ఇన్నింగ్స్‌ను పేసర్ మహ్మద్ సమీ ముగించాడు. ముల్తాన్‌లో వీరూ 375 బంతుల్లో 39 ఫోర్లు, 6 సిక్సర్లతో 309 పరుగులు చేశాడు.
దక్షిణాఫ్రికాపై తన సొంత రికార్డును బద్దలు కొట్టాడు
మార్చి 29 సెహ్వాగ్‌కు మరో కోణంలో ప్రత్యేకమైనది ఎందుకంటే 2008లో ఈ రోజున, అతను టెస్టుల్లో అతిపెద్ద ఇన్నింగ్స్ ఆడిన భారతీయుడు అయ్యాడు. 309 పరుగుల రికార్డును తానే నాశనం చేసుకున్నాడు. చెన్నై టెస్టులో మూడో రోజు సెహ్వాగ్ దక్షిణాఫ్రికాపై 319 పరుగులు చేసి అతని రికార్డును బద్దలు కొట్టాడు.