Lose Weight: ఈ చిట్కాలతో నెలలో బరువు తగ్గొచ్చు

Health Tips: ప్రస్తుత బిజీ లైఫ్‌లో ప్రజలు ఆరోగ్యాన్ని పట్టించుకోలేకపోతున్నారు. దీని వల్ల బరువు పెరిగి అనేక రోగాల బారినపడుతున్నారు. చాలాసార్లు ఇష్టానుసారంగా పనులు చేయడం వల్ల కొత్త సమస్యలు తలెత్తుతున్నాయి. అందుకే ఒక నెలలో బరువు తగ్గాలనుకుంటే, మీ బరువు తగ్గించే ప్రణాళికలో మూడు విషయాలను భాగం చేసుకోవాలి.  వాటి గురించి కొన్ని విషయాలు ఈ ఆర్టికల్లో చూద్దాం.

బరువు తగ్గడానికి ఆహారం

ఒక నివేదిక ప్రకారం.. బరువు తగ్గించడంలో ఆహారం ముఖ్యమైన పాత్ర పోషిస్తుంది. ఆహారంలో రోజువారీ కేలరీల నుండి 500 కేలరీలను తగ్గించాలి.  వారం పాటు ఇలా చేయడం వల్ల సుమారు 400 గ్రాముల బరువు తగ్గవచ్చు. జీవక్రియ రేటును పెంచడంతో పాటు ప్రోటీన్ కూడా ఆకలిని తగ్గించడంలో సహాయపడుతుంది. వాస్తవానికి మన మెదడు ద్రవ కేలరీలను సులభంగా గుర్తించదు. సోడా, జ్యూస్, చాక్లెట్ మిల్క్, ఇతర అధిక చక్కెర పానీయాలు శరీరానికి అదనపు కేలరీలను అందిస్తాయి. కాబట్టి వాటికి దూరంగా ఉండాలి. అల్పాహారంలో మొలకెత్తిన ధాన్యాలు, కాలానుగుణ ఆకుపచ్చ కూరగాయలను చేర్చుకోవాలి. అంతేకాకుండా అధిక కొవ్వు పాలు, వెన్న, చీజ్ తీసుకోవద్దని నిపుణులు చెబుతున్నారు.
 
వ్యాయామం

నిపుణుల అభిప్రాయం ప్రకారం బరువు తగ్గించడంలో వ్యాయామం అత్యంత ముఖ్యమైన పాత్ర పోషిస్తుంది. 30 నిమిషాల తేలికపాటి వ్యాయామం మాత్రమే మిమ్మల్ని ఆరోగ్యవంతంగా మార్చగలదు. బరువు తగ్గడంతో పాటు, ఈ వ్యాయామం గుండె ఆరోగ్యానికి ఉపయోగకరంగా ఉంటుందని అంటున్నారు.  వేగంగా నడవడం, సైక్లింగ్, ఈతకొట్టడం చేస్తే శరీరంపై ఎటువంటి భారం పడదు. తగినంత కేలరీలు కూడా కరిగిపోతాయి. తక్కువ తీవ్రతతో చేసే వ్యాయామం శరీరానికి ఎలాంటి హాని కలిగించదు. దీనివల్ల త్వరగా బరువు తగ్గవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: క్యాన్సర్ ఇమ్యునోథెరపీ అంటే ఏంటి?.. ఎలా పనిచేస్తుంది?