AP: నెల్లూరులో ఘనంగా రొట్టెల పండుగ.. 3 లక్షల మందికి..!

Nellore Rottela Panduga: నెల్లూరులో రొట్టెల పండుగ ప్రారంభమైంది. బారాషాహిద్ దర్గా రొట్టెల పండుగకు భక్తులు పెద్దసంఖ్యలో తరలివస్తున్నారు. ఇతర రాష్ట్రాల నుంచి కూడా భక్తులు పోటెత్తారు. భక్తులకు ఎలాంటి ఇబ్బంది లేకుండా అధికారులు ఏర్పాట్లు చేశారు. రోజుకు 3 లక్షల మందికి సరిపడా అరేంజ్ మెంట్స్ చేసినట్లు తెలుస్తోంది. 18వందల మంది పోలీసులతో భారీగా బందోబస్తు ఏర్పాటు చేశారు. రొట్టెల పండుగ సందర్భంగా నగరంలో ట్రాఫిక్ రూల్స్ విధించారు.

Also Read:  శ్రీకాకుళం జవాన్‌ రాజేష్‌ వీరమరణం.. మూడు నెలల్లో వచ్చి పెళ్ళి చేసుకుంటానని..

తొలిరోజు కర్ణాటక, చెన్నై, ఛత్తీస్ గఢ్ నుంచి భక్తులు పెద్దసంఖ్యలో తరలివచ్చారు. భక్తులు ఒక్కో కోరికకు ఒక్కో రొట్టెను సమర్పిస్తున్నారు. ఏటా మొహర్రం సందర్భంగా నెల్లూరులో ఈ రొట్టెల పండుగ జరుపుతారు. 5 రోజుల పాటు జరుగనున్న ఈ పండుగను రాష్ట్రప్రభుత్వం అధికారికంగా నిర్వహిస్తోంది.