నిరుద్యోగులకు గుడ్‌న్యూస్.. రూ.1,60,000 శాలరీతో కేంద్ర ప్రభుత్వ ఉద్యోగం.. అప్లై చేసుకోండిలా!

రైల్ ఇండియా టెక్నికల్ అండ్ ఎకనామిక్ సర్వీస్ (RITES) పలు ఉద్యోగాలకు నోటిఫికేషన్(Notification) రిలీజ్ చేసింది. దేశంలోని రైల్వే(railway) మంత్రిత్వ శాఖ పరిధిలోని డ్రాఫ్ట్స్‌మ్యాన్‌తో పాటు అనేక ఇతర ఖాళీలను భర్తీ చేయనుంది. పోస్టులకు రిక్రూట్‌మెంట్ కోసం ఆన్‌లైన్ దరఖాస్తు ప్రక్రియను ప్రారంభించింది. అర్హత, ఆసక్తి ఉన్న అభ్యర్థులు అధికారిక వెబ్‌సైట్ rites.com లో ఆగస్టు 7 (సాయంత్రం 5.00 గంటల వరకు) వరకు దరఖాస్తు చేసుకోవచ్చు . రిక్రూట్‌మెంట్ డ్రైవ్ సివిల్ ఇంజనీర్, ఎన్విరాన్‌మెంటల్ సోషల్ మానిటరింగ్ స్పెషలిస్ట్, జూనియర్ డిజైన్ ఇంజనీర్, డ్రాఫ్ట్స్‌మ్యాన్‌తో పాటు మొత్తం 111 ఖాళీలను భర్తీ చేయాలని లక్ష్యంగా పెట్టుకుంది RITES.

అర్హత ప్రమాణం:

◘వయోపరిమితి: అభ్యర్థులు తప్పనిసరిగా జూలై 1, 2023 నాటికి 40 సంవత్సరాల కంటే తక్కువ వయస్సు కలిగి ఉండాలి. రిజర్వ్ కేటగిరీ అభ్యర్థులకు గరిష్ట వయోపరిమితి సడలింపులు వర్తిస్తాయి.

◘విద్యార్హత: పోస్టులకు దరఖాస్తు చేయడానికి అభ్యర్థులు సంబంధిత విభాగంలో గ్రాడ్యుయేషన్ డిగ్రీని కలిగి ఉండాలి. అభ్యర్థులు సంబంధిత రంగాలలో 2-5 సంవత్సరాల పని అనుభవం కూడా కలిగి ఉండాలి.

RITES రిక్రూట్‌మెంట్ 2023 దరఖాస్తు ఎలా చేయాలి?

స్టెప్ 1: అధికారిక వెబ్‌సైట్ rites.com ని సందర్శించండి.

స్టెప్ 2: హోమ్‌పేజీలో, 'కెరీర్స్' ట్యాబ్‌పై క్లిక్ చేయండి.

స్టెప్ 3: కెరీర్స్ కింద 'ఆన్‌లైన్ రిజిస్ట్రేషన్' విభాగంపై క్లిక్ చేయండి.

స్టెప్ 4: లాగిన్ అవ్వండి.

స్టెప్ 5: దరఖాస్తును అక్కడ పేర్కొన్న వివరాలతో నింపండి.

స్టెప్ 6: తర్వాత అభ్యర్థులు దరఖాస్తు ఫీజును చెల్లించాలి.

స్టెప్ 7: నింపిన దరఖాస్తును సమర్పించండి, డౌన్‌లోడ్ చేసుకోండి

RITES Recruitment 2023 for Engineer (Civil):
మరోవైపు బీటెక్‌ విభాగంలో సివిల్ ఇంజనీర్ డిపార్ట్‌మెంట్‌కి సంబంధించి కూడా RITES నోటిఫికేషన్ రిలీజ్ చేసింది. ఈ ఉద్యోగానికి దరఖాస్తు చేయడానికి గరిష్ట వయోపరిమితి జూలై1, 2023 నాటికి 40 సంవత్సరాలు. మొత్తం నాలుగు ఖాళీలను ఫిల్ చేయనున్నారు. జనరల్ కేటగిరీకి 02, SC- 01, ST-01 ఖాళీలు ఉన్నాయి . అర్హత ఉన్న అభ్యర్థులు సివిల్ ఇంజనీరింగ్‌లో బ్యాచిలర్ డిగ్రీని కలిగి ఉండాలి. ఇంజనీర్ పర్యవేక్షణ/ప్రాజెక్టుల పర్యవేక్షణ/సర్వే/నాణ్యత రంగంలో కనీసం 5 సంవత్సరాల పోస్ట్ అనుభవం కలిగి ఉండాలి. ఎంపికైన అభ్యర్థులుకు అనుభవం, అర్హతలను బట్టి రూ. 7,71,029 వరకు వార్షిక CTCని పొందవచ్చు . దరఖాస్తు రుసుము లేదు . జాబ్ పూర్తిగా కాంట్రాక్ట్ ప్రాతిపదికన ఒక సంవత్సరం పాటు ఉంటుంది.