Reliance Walt Disney Deal : వాల్ట్ డిస్నీ బిజినెస్ కొనేసిన రిలయన్స్.. వివరాలివే 

Reliance : రిలయన్స్(Reliance) మీడియా - ఎంటర్టైన్మెంట్ రంగంలో టాప్ ప్లేస్ పై కన్నేసింది. ఇప్పటికే ప్రతి రంగంలోనూ తనదైన శైలిలో దూసుకుపోతున్న రిలయన్స్.. ఇప్పుడు మీడియా-ఎంటర్టైన్మెంట్ రంగంలోనూ నెంబర్ 1 స్థానం కోసం పెద్ద ఒప్పందం కుదుర్చుకుంది. ఈ డీల్ తో దేశంలోనే అతి పెద్ద మీడియా-ఎంటర్టైన్మెంట్ కంపెనీగా రిలయన్స్ అవతరించనుంది. ఆ డీల్ వివరాలు చూద్దాం. 

రిలయన్స్ ఇండస్ట్రీస్ లిమిటెడ్(RIL) అమెరికన్ మీడియా కంపెనీ వాల్ట్ డిస్నీ భారతీయ వ్యాపారాన్ని కొనుగోలు చేయడానికి నాన్-బైండింగ్ టర్మ్ షీట్ (ఒప్పందం)పై(Reliance Walt Disney Deal) సంతకం చేసింది. మీడియా నివేదికల ప్రకారం, ఈ ఒప్పందం ద్వారా డిస్నీలో RIL కనీసం 51% వాటాను కొనుగోలు చేస్తుంది. దీని తరువాత, రిలయన్స్ భారతదేశంలో అతిపెద్ద మీడియా - వినోద వ్యాపారాన్ని కలిగి ఉంటుంది.

మీడియా రిపోర్ట్స్ ప్రకారం, ఈ డీల్ 51:49 స్టాక్ - నగదు విలీనం అవుతుంది.  ఇది వచ్చే ఏడాది ఫిబ్రవరి నాటికి అంటే 2024 నాటికి పూర్తవుతుంది. అయితే రిలయన్స్ తన రెగ్యులేటరీ అనుమతులు, వాణిజ్య అవసరాలు అన్నీ జనవరి నాటికి పూర్తి చేసేందుకు సిద్ధమవుతోంది.

నియంత్రణ వాటాలతో రిలయన్స్
ఈ డీల్(Reliance Walt Disney Deal) తర్వాత, డిస్నీ స్టార్ వ్యాపారంలో రిలయన్స్ నియంత్రణ వాటాలను పొందుతుంది.  దీని అంచనా విలువ 10 బిలియన్ డాలర్లు అంటే రూ. 83,163 కోట్లు. ఒప్పందం పూర్తయిన తర్వాత, డిస్నీకి ఈ వ్యాపారంలో మైనారిటీ వాటాలు మాత్రమే ఉంటాయి.

Also Read: ఆ మూడు కంపెనీల మార్కెట్ క్యాప్ భారీగా పెరిగింది.. టాప్ లో ఆ కంపెనీ!

నాన్-బైండింగ్ టర్మ్ షీట్  అంటే.. 

నిబంధన లేని కాంట్రాక్ట్ (నాన్-బైండింగ్ టర్మ్ షీట్ )అనేది ఒప్పందం నిబంధనలను అనుసరించడానికి చట్టబద్ధంగా కట్టుబడి ఉండని పార్టీలు లేదా కంపెనీలు. ఈ ఒప్పందం ఉద్దేశ్యం చర్చల ప్రక్రియలో ఒప్పందంలో పాల్గొన్న పార్టీల ఉద్దేశాలను వ్యక్తపరచడం. రెండు పార్టీలు నాన్-బైండింగ్ ఒప్పందం నిబంధనలు - షరతులను అంగీకరిస్తే, తుది బైండింగ్ ఒప్పందంపై సంతకాలు చేయడం జరుగుతుంది. 

అక్టోబర్‌లోనే..
కొన్ని నెలల క్రితం, గౌతమ్ అదానీ, సన్ టీవీ యజమాని కళానిధి మారన్, కొన్ని ప్రైవేట్ ఈక్విటీ సంస్థలు డిస్నీతో ఈ బహుళ-బిలియన్ డాలర్ల ఒప్పందం గురించి మాట్లాడాయి. దీనిపై చర్చలు కూడా జరిగాయి.  అయితే, అక్టోబర్‌లో, డిస్నీ ఈ ఒప్పందాన్ని(Reliance Walt Disney Deal) ముఖేష్ అంబానీతో కొనసాగించాలని నిర్ణయించుకుంది.

Watch this interesting Video: