Mr.Bachchan : 'మిస్టర్ బచ్చన్' ట్రైలర్ రిలీజ్.. వింటేజ్ రవితేజ ఈజ్ బ్యాక్, మాస్ రాజా యాక్షన్ అదుర్స్!

Mr.Bachchan Movie Trailer : మాస్ మహారాజా రవితేజ నటిస్తున్న హైలీ ఎంటర్టైనర్ 'మిస్టర్ బచ్చన్' చిత్రానికి సంబంధించిన ట్రైలర్ విడుదలైంది. హరీష్ శంకర్ దర్శకత్వంలో తెరకెక్కిన ఈ చిత్రం ఆగస్టు 15న ప్రేక్షకుల ముందుకు రానుంది.ట్రైలర్‌లో రవితేజ తనదైన మాస్ యాక్షన్ మేనియాతో అలరించాడు. రవితేజ యాక్షన్ సీన్స్, డైలాగ్స్‌తో హరీష్ శంకర్ మార్క్ మాస్ ఎంటర్టైనర్‌గా ఈ సినిమా ఉండబోతుందని ట్రైలర్ స్పష్టం చేస్తోంది.

కామెడీ, యాక్షన్, సెంటిమెంట్ అన్నీ కలిపి ఈ సినిమా ఒక పూర్తి వినోదాత్మక చిత్రంగా ఉండబోతుంది. హరీష్ శంకర్ తనదైన స్టైల్‌లో డైలాగ్స్ రాశారు. ఈ డైలాగ్స్ ట్రైలర్‌కు మరింత బలం చేకూర్చాయి. అలాగే ఇందులో వింటేజ్ రవితేజను గుర్తు చేశాడు హరీష్ శంకర్. ఈ ట్రైలర్‌తో ప్రేక్షకుల్లో ఆసక్తి మరింత పెరిగింది.

Also Read : నా వల్లే ‘భారతీయుడు 2’ ప్లాప్ అయ్యిందని అంటున్నారు.. నన్ను క్షమించండి : ప్రియా భవానీ శంకర్

ఈ ట్రైలర్ సోషల్ మీడియాలో వైరల్‌గా మారింది. రవితేజ ఫ్యాన్స్ ఈ ట్రైలర్‌ తో పండగ చేసుకుంటున్నారు. ట్రైలర్ ఇచ్చిన హైప్ తో కచ్చితంగా ఈ మూవీ బాక్సాఫీస్ వద్ద బంపర్ హిట్ అవుతుందనే నమ్మకం అభిమానుల్లో నెలకొంది. పీపుల్ మీడియా ఫ్యాక్టరీ నిర్మించిన ఈ సినిమాలో భాగ్యశ్రీ బోర్సే హీరోయిన్ గా నటించగా.. జగపతి బాబు విలన్ రోల్ ప్లే చేశారు. రవితేజ ఇన్ కమ్ ట్యాక్స్ ఆఫీసర్ గా కనిపించనున్నారు.