Rajasthan Deputy CM: రైతు నుంచి రాజస్థాన్ డిప్యూటీ సీఎం వరకూ..డాక్టర్ ప్రేమ్‌చంద్ ఇన్స్పైరింగ్ స్టోరీ 

Rajasthan Deputy CM: రాజస్థాన్ - జైపూర్‌లోని మౌజ్మాబాద్ తహసీల్ డూడూకి 7 కిలోమీటర్ల దూరంలో ఉన్న శ్రీనివాసపుర గ్రామంలో మంగళవారం సాయంత్రం నుంచి పండగ వాతావరణం నెలకొంది. 500 మంది జనాభా ఉన్న ఈ గ్రామంలో ఆరోజు అర్థరాత్రి వరకు డీజేపై డ్యాన్స్ చేస్తూ సంబరాలు చేసుకున్నారు. వీరి సంబరానికి కారణం తమ గ్రామంలో చిన్న రైతు కుటుంబం నుంచి వచ్చయిన  డాక్టర్ ప్రేమ్‌చంద్ బైర్వా రాష్ట్రానికి డిప్యూటీ సీఎం కావడమే.  డా.ప్రేమ్‌చంద్ బైరవ డిప్యూటీ సీఎం అయిన తర్వాత, ఇప్పుడు శ్రీనివాసపుర ప్రజలు తమ గ్రామంలో ప్రాథమిక సేవలు విస్తరిస్తారనే నమ్మకంతో ఉన్నారు. ఇక్కడ అసలైన ట్విస్ట్ ఏమేమిటంటే.. రాజస్థాన్ ముఖ్యమంత్రి పేరును ప్రకటించే సమయంలో ప్రేమ్‌చంద్ తన ఇంటిలో కుటుంబసభ్యులతో కలిసి టీవీ చూస్తున్నారు. ముఖ్యమంత్రి పేరును ప్రకటించిన తరువాత.. డిప్యూటీగా తన పేరు ప్రకటించడంతో ఆయన అవాక్కయ్యారు. అసలు తానూ వింటున్నది నిజమేనా అని ఒక్క క్షణం ఆలోచనలో పడ్డారు. అలా ఆయనకే తెలియకుండా రాష్ట్ర మంత్రివర్గంలో ఒక ప్రాధాన్యమైన పదవి ఆయనను వరించింది. ఇప్పుడు టీవీలో ప్రకటించినంత ఈజీగా మాత్రం ఆయన ఈ స్థాయికి చేరుకోలేదు. దాని వెనుక అయన పడ్డ కష్టం చాలా ఉంది. రైతు కుటుంబం నుంచి వచ్చి అసెంబ్లీ దాకా వెళ్లి.. అక్కడ నుంచి పై స్థాయికి చేరడం మామూలుగా జరగలేదు. వ్యవసాయం, టైలరింగ్ పని నుంచి ఎల్‌ఐసీ ఏజెంట్ గా అక్కడ నుంచి ప్రాపర్టీ వ్యాపారిగా, ఇప్పుడు డిప్యూటీ సీఎం వరకు డాక్టర్ ప్రేమ్‌చంద్ బైర్వా ప్రయాణాన్ని చూసి కుటుంబ సభ్యులు ఎంతో సంతోషిస్తున్నారు.

ఈ సందర్భంగా డాక్టర్ ప్రేమ్‌చంద్ బైర్వా(Rajasthan Deputy CM) మీడియాతో మాట్లాడుతూ- కాంగ్రెస్ ప్రభుత్వం అబద్ధాలు చెప్పి అధికారంలోకి వచ్చిందన్నారు. రైతులకు రుణమాఫీ, ఉచిత కరెంటు ఇస్తామని హామీ ఇచ్చినా కరెంటు కానీ, రుణమాఫీ కానీ రాలేదు. నిరుద్యోగులను, రైతులను మోసం చేసేందుకు కాంగ్రెస్ పని చేసిందని చెప్పారు. కాంగ్రెస్ ప్రభుత్వ హయాంలో రాజస్థాన్ కూడా మహిళలపై అఘాయిత్యాలలో మొదటి స్థానంలో నిలిచింది. కాంగ్రెస్‌ అరణ్య పాలనలో గత ఐదేళ్లలో ఏం చేసిందో దానిని సమూలంగా మార్చేస్తాం అని చెప్పారు. 

Rajasthan Deputy CM: 1969 ఆగస్టు 31న పుట్టిన 1969  ప్రేమ్‌చంద్ బాల్యంలో చదువుకోవడానికి చాలా కష్టపడ్డారు. ఇంటికి చాలా దూరంలో ఉన్న స్కూల్ కి కాలినడకన వెళ్లేవారు. అతను మొదటి నుంచి  చదువులో తెలివైనవాడు. ఏదో ఒకటి చేయాలనే తపన అతని మనసులో మొదటి నుంచీ ఉండేది. జీవితంలో చాలా కష్టపడ్డారు. మొదట్లో తన అన్నతో కలిసి గ్రామంలో వ్యవసాయం చేస్తూ జీవనోపాధి పొందాడు. దీనితో పాటు, అతను చదువు కోసం జైపూర్‌లో నివసించినప్పుడు, అతను ఇక్కడ రాజా పార్క్‌లో 1989 నుంచి 1995 వరకు టైలర్‌గా పనిచేశాడు. దీనితో పాటు, అతను 1990 నుంచి  2005 వరకు ఎల్‌ఐసి ఏజెంట్‌గా కూడా పనిచేశాడు. 2000 సంవత్సరం తరువాత, అతను రియల్ ఎస్టేట్ బిజినెస్ ప్రారంభించాడు, అందులో అతను సక్సెస్ అయ్యారు. 

చదువు సాగిందిలా.. 

Rajasthan Deputy CM:  ప్రేమ్‌చంద్ 8వ తరగతి వరకు తన గ్రామానికి 2 కిలోమీటర్ల దూరంలోని జాగ్ గ్రామంలోని ప్రభుత్వ పాఠశాలలో చదివాడు. దీని తర్వాత సైన్స్ సబ్జెక్ట్ కోసం మౌజామాబాద్ వచ్చాడు. ఇక్కడే 12వ తరగతి వరకు చదువుకున్నాడు. 1992లో రాజస్థాన్ యూనివర్సిటీ నుంచి బీఏ ఉత్తీర్ణత సాధించి, 1996లో రాజస్థాన్ యూనివర్సిటీ నుంచి మాస్టర్ ఆఫ్ ఆర్ట్స్ పట్టా తీసుకున్నారు. 1999లో మాస్టర్ ఆఫ్ ఫిలాసఫీ (దక్షిణాసియా అధ్యయనాలు) - 2012లో డాక్టర్ ఆఫ్ ఫిలాసఫీ (భారత్-భూటాన్ సంబంధాల సందర్భంలో భారత్-చైనా సంబంధాల సందర్భంలో) డిగ్రీని పొందారు. డాక్టర్ ప్రేమ్‌చంద్ బైర్వాకు చదువుతో పాటు సంగీతం అంటే చాలా ఇష్టం. అతనికి ఢోలక్ మరియు మంజీరా ఆడటం అంటే చాలా ఇష్టం. చిన్నప్పటి నుంచి ఇప్పటి వరకు ఎన్నో మతపరమైన కార్యక్రమాల్లో పాల్గొన్నారు. ఈ సమయంలో అతను తన పాత్రను వివిధ రకాలుగా పోషించాడు.

ABVPతో రాజకీయ జీవితం.. 

Rajasthan Deputy CM: తన కళాశాల విద్య సమయంలో, డాక్టర్ ప్రేమ్‌చంద్ బైర్వా విద్యార్థి సంస్థ ABVPలో చేరారు. 1995లో సంస్థ తరపున డూడూ బ్లాక్‌లో పనిచేశారు. 2000 సంవత్సరంలో తన ఊరిలో సర్పంచిగా పోటీచేయాలని భావించారు. అయితే, తన రాజకీయ గురువు దాతార్ సింగ్ నాథావత్ ప్రోద్బలంతో జిల్లా పరిషత్‌ ఎన్నికల్లో పోటీ చేశారు. తొలిసారిగా రాజకీయాల్లోకి వచ్చి జిల్లా పరిషత్ ఎన్నికల్లో డూడూలోని 15వ వార్డు నుంచి గెలుపొందారు. ఆ తర్వాత డూడూ బీజేపీ మండల ప్రధాన కార్యదర్శిగా చేశారు. ఈ కాలంలో, డాక్టర్ ప్రేమ్‌చంద్ బైర్వా పార్టీ - సంస్థ కోసం ప్రతి బాధ్యతను నిర్వర్తిస్తూనే ఉన్నారు.

Also Read: మంత్రి సీతక్క స్వగ్రామానికి ఎట్టకేలకు రానున్న ఆర్టీసీ బస్సు..

2013లో తొలిసారి ఎమ్మెల్యేగా ఎన్నిక.. 

Rajasthan Deputy CM: ఆయనను 2013 అసెంబ్లీ ఎన్నికల్లో డూడూ నుంచి బీజేపీ అభ్యర్థిగా నిలబెట్టింది. కాంగ్రెస్‌ సీనియర్‌ నేత బాబులాల్‌ నగర్‌ సోదరుడు హజారీలాల్‌ నగర్‌పై 33 వేల 720 ఓట్ల తేడాతో ఆయన విజయం సాధించారు. అయితే, 2018లో స్వతంత్ర అభ్యర్థి బాబూలాల్ నగర్‌లో 14,779 ఓట్ల తేడాతో ఓడిపోయారు. 2018 ఎన్నికల్లో ఓడిపోయిన తర్వాత కూడా డాక్టర్ ప్రేమ్‌చంద్ బైర్వా తన అసెంబ్లీ నియోజకవర్గంలో చురుకుగా ఉన్నారు. నిజాయతీ, సాదాసీదా నాయకుడిగా ప్రజల్లో ఆయనకు అక్కడి ప్రజల్లో ప్రత్యేకమైన ఇమేజ్ ఉంది. ఇటీవల జరిగిన అసెంబ్లీ ఎన్నికల్లో డాక్టర్ ప్రేమ్‌చంద్ బైర్వా 35,743 ఓట్ల తేడాతో కాంగ్రెస్‌కు చెందిన బాబులాల్ నగర్‌పై విజయం సాధించారు.

కుటుంబం ఇదీ.. 

డా. ప్రేమ్‌చంద్‌ కు ఇద్దరు సోదరులు - నలుగురు సోదరీమణులు ఉన్నారు. అన్నయ్య చిరంజీవిలాల్. తనకంటే చిన్నవాడైన గోగారం చనిపోయాడు. అందరికంటే చిన్నవాడు డా. ప్రేమ్‌చంద్ బైరవ. డా. ప్రేమ్‌చంద్ తన చిన్నతనంలో ఫాగి తహసీల్‌లోని చక్వాడ గ్రామానికి చెందిన నారాయణి దేవిని వివాహం చేసుకున్నాడు. అతనికి ముగ్గురు  కుమార్తెలు - 1 కుమారుడు ఉన్నారు. ఇద్దరు కూతుర్లు  ప్రియాంక, జ్యోతికి వివాహమైంది. చిన్న కూతురు పూజ గ్రాడ్యుయేషన్‌ చదువుతోంది. కొడుకు చిన్మయ్ 12వ తరగతి చదువుతున్నాడు.

మొత్తమ్మీద బీజేపీ మూడు రాష్ట్రాల్లోనూ ముఖ్యమంత్రులను.. డిప్యూటీలను ఎంపీక చేయడంలో చాలా కసరత్తు చేసినట్టు కనిపిస్తోంది. ప్రతి లెక్క వేసుకున్నాకే సామాన్యులను అందలం ఎక్కించిందని అర్ధం అవుతోంది. 

Watch this interesting Video: