Congress: రాహుల్ గాంధీ ఆస్తుల విలువ రూ. 20కోట్లు!

Rahul Gandhi Assets: కాంగ్రెస్‌ అగ్రనేత రాహుల్‌ గాంధీ (Rahul Gandhi ) వరుసగా రెండోసారీ కేరళ (Kerala)లోని వయనాడ్‌ (Wayanad) లోక్‌సభ (Lok Sabha elections) అభ్యర్థిగా పోటీ చేస్తున్న విషయం తెలిసిందే. ఇందులో భాగంగా బుధవారం ఆయన  నామినేషన్‌ దాఖలు చేశారు. సోదరి ప్రియాంక గాంధీతో కలిసి ర్యాలీగా వెళ్లి ఎన్నికల రిటర్నింగ్‌ అధికారికి తన నామినేషన్‌ పత్రాలు సమర్పించారు. ఈ సందర్భంగా రాహుల్ తన ఆస్తుల వివరాలను వెల్లడించారు.

రాహుల్ తను దాఖలు చేసిన అఫిడవిట్ లో రూ.20 కోట్ల ఆస్తులు ఉన్నట్లు  పేర్కొన్నారు. అందులో రూ.9.24 కోట్ల చరాస్తులు, రూ. 11.15 కోట్ల స్థిరాస్తులు ఉన్నట్లు అఫిడవిట్‌ (Affidavit)లో పొందు పరిచారు. వాయనాడ్ ఎన్నికల రిటర్నింగ్ అధికారి వద్ద రాహుల్ గాంధీ సమర్పించిన అఫిడవిట్ ప్రకారం రాహుల్ గాంధీ పేరు మీద కేవలం రూ.20 కోట్ల ఆస్తులు మాత్రమే ఉన్నాయి. రాహుల్ కు ఫ్లాట్ కానీ సొంత కారు కానీ లేవు. రాహుల్ కు ఉన్న ఆస్తుల్లో 9.24 కోట్ల చరాస్తులు ఉన్నాయి. ఇందులో 55 వేల నగదు, 26.25 లక్షల బ్యాంకు డిపాజిట్లు, 4.33 కోట్ల బాండ్లు, 3.81 కోట్ల విలువైన మ్యూచువల్ ఫండ్స్, రూ.15.21 లక్షల విలువైన బంగారం బాండ్లు, రూ.4.20 లక్షల విలువైన బంగారు అభరణాలు మాత్రమే ఉన్నాయి.