Akhilesh Yadav: రాహుల్ గాంధీ, అఖిలేష్ యాదవ్ కు చేదు అనుభవం

Akhilesh Yadav: ఎన్నికల ప్రచారంలో బిజీగా గడుపుతున్న రాహుల్ గాంధీ, సమాజ్‌వాదీ పార్టీ అధ్యక్షుడు అఖిలేష్‌ యాదవ్‌ కు చేదు అనుభవం ఎదురైంది. ఈరోజు ప్రయాగ్‌రాజ్‌లోని పుల్పూర్‌ పార్లమెంటరీ నియోజకవర్గంలో భారీ బహిరంగ సభ ఏర్పాటు చేయగా.. ఆ సభకు భారీగా జనాలు వచ్చి చేరుకున్నారు. సభా వేదికను చేరుకోవడానికి ఇటు ఎస్పీ, అటు కాంగ్రెస్‌ కార్యకర్తలు ప్రయత్నించడంతో సభలో గందరగోళ పరిస్థితులు నెలకొన్నాయి. కార్యకర్తలకు సర్దిచెప్పడానికి రాహుల్‌, అఖిలేష్‌ ప్రయత్నించినప్పటికీ వారు వినకపోవడంతో భద్రతా పరమైన సమస్యలు వస్తాయని పోలీసులు హెచ్చరించారు. దీంతో రాహుల్‌,అఖిలేష్‌ ప్రసంగించకుండా మధ్యలోనే వెళ్లిపోయారు.