ఒకే ఒక్క క్లిక్.. కట్ చేస్తే రూ. 17 లక్షల ఫసక్.. అసలేమైందంటే..

17 Lakhs Online Cheating: ప్రస్తుత కాలం అంతా టెక్నాలజీదే హవా. ప్రతి పనికి టెక్నాలజీ సపోర్ట్ తీసుకుంటున్నారు జనాలు. అయితే, దినదినాభివృద్ధి చెందుతున్న ఈ టెక్నాలజీతో ఎన్ని ప్రయోజనాలు ఉన్నాయో.. అంతకు మించిన నష్టాలు కూడా చోటు చేసుకుంటున్నాయి. ముఖ్యంగా సైబర్ నేరాగళ్లు టెక్నాలజీని ఉపయోగించుకుని.. ప్రజల జేబులను కొల్లగొడుతున్నారు. ఇటీవలి కాలంలో ఈ సైబర్ నేరగాళ్ల ఆగడాలు మరింత ఎక్కువయ్యాయి. ఈ సైబర్ నేరాల కట్టడికి ప్రభుత్వాలు, భద్రతా వ్యవస్థలు ఎన్ని కట్టుదిట్టమైన చర్యలు చేపడుతున్నప్పటికీ.. ఫలితం లేకుండా పోతోంది. ముఖ్యంగా ఆన్‌లైన్ స్కామ్‌లు భారీగా పెరిగిపోతున్నాయి.

తాజాగా మహారాష్ట్రలోని పుణేకి చెందిన టెకీ(34) ఆన్‌లైన్‌లో సంపాదించాలని ప్రయత్నించాడు. ఈ క్రమంలో అతను ఏకంగా రూ. 17 లక్షలు పోగొట్టుకున్నాడు. బాధిత వ్యక్తి సోషల్ మీడియాలో స్క్రోల్ చేస్తుండగా.. వీడియోలను లైక్ చేస్తూ పార్ట్‌టైమ్ జామ్ ద్వారా అదనపు ఆదాయం పొందవచ్చు అనే యాడ్ కంట పడింది.

దాంతో.. ఆ యాడ్‌ను క్లిక్ చేసిన టెకీ.. డిసెంబ‌ర్ 1 నుంచి 6 తేదీల మధ్య వారు ఇచ్చిన టాస్క్‌లను కంప్లీట్ చేశాడు. ఇందుకు ప్రతిఫలంగా మొదట్లో కొంత డబ్బు చెల్లించారు కేటుగాళ్లు. అయితే, మిగతా మొత్తం చెల్లించాలంటే.. డిపాజిట్ చేయాలని పలుమార్లు ఇతనిచే డబ్బులు కట్టించుకున్నారు. మొత్తంగా ఇతను రూ. 17 లక్షలు కట్టాడు. ఆ తరువాత అటువైపు నుంచి ఎలాంటి రెస్పాండ్స్ రాకపోవడంతో.. తాను మోసపోయినట్లు గుర్తించి సైబర్ క్రైమ్ పోలీసులను ఆశ్రయించాడు. ఘటనపై కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.

Also Read:

పెండింగ్ చలాన్లపై భారీ డిస్కౌంట్లు.. ఏకంగా 90 శాతం వరకు.. వివరాలివే!

ఒకే కారులో బావాబామ్మర్దుల జర్నీ.. వైరల్ గా హరీశ్, కేటీఆర్ ఫొటోలు!