Agnibaan: నింగిలోకి దూసుకెళ్లిన రాకెట్ అగ్నిబాన్

Agnibaan: శ్రీహరికోటలో ప్రైవేట్ అగ్నిబాన్ రాకెట్ విజయవంతంగా నింగిలోకి దూసుకెళ్లింది. 5వ ప్రయత్నంలో విజయవంతంగా షార్ నుంచి నింగిలోకి దూసుకెళ్లింది. దేశంలోనే మొదటి సెమీ క్రయోజనిక్ఇంజిన్ ఆధారిత రాకెట్ గా ఇది పేరుపొందింది. అగ్నికుల్ కాస్మోస్ ప్రైవేట్ స్టార్టప్ కు చెందిన సంస్థ అగ్నిబాన్ రాకెట్ ప్రయోగం చేసింది. భవిష్యత్లో చిన్న తరహా ఉపగ్రహాలను లోఎర్త్ ఆర్బిట్లో ప్రవేశపెట్టడానికి ఈ తరహా ప్రయోగంతో ఇస్రో పరీక్షించింది.

ఇటీవల సాంకేతిక లోపం.. 

ఇటీవల అగ్నిబాన్ రాకెట్‌ ప్రయోగం వాయిదా పడింది. సాంకేతిక కారణాలతో వాయిదా వేసినట్లు శాస్త్రవేత్తలు పేర్కొన్నారు. కాగా దేశంలోనే మొదటి సెమీ క్రయోజనిక్‌ ఇంజిన్‌ ఆధారిత రాకెట్‌గా అగ్నిబాణ్‌ రికార్డ్ నెలకొల్పింది. దేశీయంగా రూపొందించిన 3డీ ప్రింటెడ్‌ ఇంజిన్‌ను ఇందులో ఉపయోగిస్తున్నారు. ఈ రాకెట్ ను అగ్నికుల్ కాస్మోస్ ఏరోస్పెస్ సంస్థ రూపొందించింది. ఇదిలా ఉంటే మే 28న ఉదయం శ్రీహరికోటలోని సతీష్ ధవన్‌ స్పేస్‌ సెంటర్‌ (షార్‌) వేదికగా చేపట్టాల్సిన ఈ ప్రయోగం సాంకేతిక లోపం తలెత్తడంతో వాయిదా పడింది. ఎనిమిది గంటల కౌంట్‌డౌన్‌ అనంతరం ప్రైవేట్‌ ప్రయోగ వేదిక నుంచి ఉదయం 5.48 గంటలకు ఈ రాకెట్‌ నింగిలోకి దూసుకెళ్లాల్సి ఉంది.