Kalki 2898 AD : 'కల్కి' ప్రమోషన్స్ కి భారీ ఏర్పాట్లు.. వచ్చే నెల నుంచి వరుస సర్ప్రైజ్ లు, ఫ్యాన్స్ కి పండగే!

Prabhas Kalki 2898 AD Promotions : పాన్ ఇండియా స్టార్ ప్రభాస్ (Prabhas) నటించిన మోస్ట్ ప్రెస్టీజియస్ మూవీ 'కల్కి 2898AD' వచ్చే నెల 27 న విడుదల కానుంది. అంటే సినిమా రిలీజ్ కి సరిగ్గా నెల రోజుల సమయం మాత్రమే మిగిలుంది. పాన్ వరల్డ్ లెవెల్ లో రిలీజ్ కాబోతున్న ఈ సినిమాకి ఈ టైం చాలా తక్కువ. అందుకే ఈ తక్కువ సమయాన్ని సరిగ్గా యూజ్ చేసుకోవాలని మూవీ టీమ్ ప్లాన్ చేసినట్లు తెలుస్తోంది.

జూన్ 4 తర్వాత ఎన్నో సర్ప్రైజ్ లు

ఈ క్రమంలోనే కల్కి నుంచి ఈ నెల రోజుల్లో ఎన్నో సర్ప్రైజ్ లు ఇవ్వబోతున్నారట. సరిగ్గా ఎలక్షన్స్ రిజల్ట్ జూన్ 4 తర్వాత కల్కి ప్రమోషన్ స్టార్ట్ కానుంది. వరుస అప్డేట్స్ తో పాటూ దేశ వ్యాప్తంగా ఎన్నో ఈవెంట్స్ ప్లాన్ చేశారట మేకర్స్. సినిమా నుంచి బుజ్జి, భైరవ గ్లింప్స్ ని రిలీజ్ చేసినట్లు దీపికా పదుకొనె, దిశా పటానిల ఇంట్రో వీడియోలను కొత్తగా ప్లాన్ చేస్తున్నారట.

Also Read : పాపం.. డ్యాన్స్ చేస్తూ జారిపడ్డ ఆనీ మాస్టర్.. వైరల్ అవుతున్న వీడియో!

అలాగే వీరితో పాటూ సినిమాలో క్యామియో రోల్స్ చేస్తున్న దుల్కర్ సల్మాన్, విజయ్ దేవరకొండ, నాని ల పాత్రలను ఈ ప్రమోషన్స్ లోనే పరిచయం చేయబోతున్నట్లు టాక్ వినిపిస్తుంది. మరోవైపు కమల్ హాసన్ ని సైతం ప్రమోషన్స్ కి తీసుకొచ్చే ప్రయత్నం చేస్తున్నట్లు ఫిలిం సర్కిల్స్ లో న్యూస్ వినిపిస్తోంది. అంటే వచ్చే నెల మొత్తం ఇండియాలో కల్కి ఫీవర్ నడవబోతుందన్నమాట. ఫ్యాన్స్ కి మాత్రం పండగే అని చెప్పొచ్చు.